Türkmenistanyň halk artisti Akmyrat ÇARYÝEW

19:31 07.12.2020

https://ussatnews.com/storage/posts/338/original-15fce3cc135d3a.jpeg

Zehinini sungata siňdirip, diňleýjileriň söýgüsine mynasyp bolan halypa, Magtymguly adyndaky Halkara baýragynyň eýesi, Türkmenistanyň halk artisti, Türkmen milli konserwatoriýasynyň uly mugallymy Akmyrat ÇARYÝEW bilen bolan söhbetdeşlikde onuň ýüreginden çykýan joşgunly sözleri köňlüňe mylaýymlyk bagyş edýär.

Halypa, durmuş ýoluňyz we aýdym-saz sungatyna gelşiňiz barada gürrüň beräýseňiz!

— Men Bäherden etrabynyň Kelete obasynda eneden doglup, şol ýerdäki ýediýyllyk mekdebi tamamladym. Çagalyk döwürlerim aýdym-saz diňlemegi gaty gowy görýärdim. Mekdepde okan döwürlerim teleradioda ýaňlanýan sazlary ürç edip diňläp, bagşylaryň aýdymlaryny ýat bekledim. Şeýdip dutar meniň iň ýakyn syrdaşyma öwrüldi. 1961-nji ýylda Daňatar Öwezow adyndaky sazçylyk uçilişesinde saz ugrundan bilim aldym. Soňra Türkmen döwlet pedagogik sungat institutynyň dutar bölümini tamamladym. Döredijilige bolan ukybym meni Magtymguly adyndaky Türkmen döwlet uniwersitetiniň gapysyndan eltdi. Ol ýerde hem belli halypalardan sapak alyp, bilimimiň üstüni ýetirdim.

Meniň ilkinji saz mugallymym Allaberdi Allaberdiýew boldy. Halypalarym Sahy Jepbaryň, Ödeniýaz Nobatyň ýanynda on bir ýyllap sazandarlyk etdim. Ussat halypalaryň şägirdi bolmak nesibämizde bar eken. Sahy aga hemişe şeýle sargardy: «Käriňi mydam söýüp gez. Dutary eliňe alanyňda, çalan sazyňy söýüp, içine girip çal». Sazyň inçe syrlaryny öwreden halypam Türkmenistanyň halk artisti Çary Täçmämmedowdy. Halypam gaty talapkärdi, öwredýän kakuwlaryny ýarpy-ýalta kakaýsaň dagy, tä göwni ýetýänçä, işlemeli bolardy. Ine, şeýdip, 55 ýyldan bäri dutar bilen bagrym badaşdy.

— Döreden sazlaryňyz dogrusynda gürrüň beräýseňiz!

— Türkmenistanyň Gahrymany Gözel Şagulyýewanyň sözlerine «Sen ak atda, Sen gyratda, ganatda», «Arkadag», «Türkmenistan — rowaçlygyň Watany», Allaýar Çüriýewiň sözlerine «Watan», «Türkmen gyzlary», Geldi Bäşiýewiň sözlerine «Bedewler» ýaly aýdymlaryň sazlaryny döretdim, olar diňleýjiler tarapyndan uly tolgunma bilen diňlenilýär. Bu meni diýseň begendirýär, döredijilige ruhlandyrýar.

— Halypa, maşgalaňyz baradaky gürrüň bilen söhbedimizi dowam edäýeliň!

— Döwletli maşgalam bilen bagtyýar döwrümize buýsanyp ýaşaýarys. 3 ogly, 3 gyzy ylymly-bilimli, edepli-ekramly edip ýetişdirdik. Ogullarym Kakamyratdyr Şamyrat sungat ýoluna ykbalyny baglady. Körpäm Orazmyrat bolsa «Türkmenhowaýollary» agentliginde zähmet çekýär. Gelnejeň bilen 12 agtygymyza, 3 çowlugymyza guwanyp otyrys. Agtyjaklarym Azymberdidir Dawut dutar çalmaga höwes edýärler.

— Akmyrat aga, ýaşlara berjek maslahatlaryňyz?!

— «Daglara bar», «Seýle gelseň bu daglara», «Çynarym», «Dag jerenleri» ýaly aýdymlar ýaşlarymyza nusgalykdyr. Şu ýerde halypalaryň aýdan sözlerinden ýatlap geçsem, ýerlikli bolar. «Zehin Alladan berlende, onuň eçilýän miweleri bendesini bendi edermiş» diýerdiler. Ýaşlarymyza-da sungatyň inçe dünýäsine berlip, aýdym-saza bolan zehinini kämilleşdirmeklerini arzuw edýärin.

— Siziň sungat älemindäki ýoluňyz dowamat-dowam bolup, diňleýjilere ýetirjek ajaýyp sazlaryňyzyň mahmal owazynyň belentden ýaňlanyp durmagyny arzuw edýäris!

Ýazgül ANNAÝEWA.

USSAT NEWS.

Другие статьи
1643677068e6d5.jpeg
Народная артистка Туркменистана Аннагуль ГУРДОВА

По многочисленным просьбам читателей гостьей редакции электронной газеты ussatnews.com стала одна из самых популярных вокалисток нашей страны, которую по праву называют легендой туркменской эстрады, - народная артистка Туркменистана, певица высшей категории Культурно-делового центра Государственного концерна «Türkmengaz» Аннагуль ГУРДОВА.


164204365be94e.jpeg
Народный писатель Туркменистана Кара Сейтлиев

Право предстать в монументальном образе перед современным поколением туркменистанцев заслужил государственный и общественный деятель, народный писатель Туркменистана, лауреат Государственной премии имени Махтумкули Кара Сейтлиев, чьё многогранное творчество оказало большое влияние на развитие национальной литературы, кино и театра.


1635eb270cd9e8.jpeg
Народная артистка Туркменистана Оразгуль ГУРДОВА

В гостях у редакции электронной газеты ussatnews.com побывала звезда туркменской эстрады и театра Оразгуль Гурдова. Вокалистка Национального музыкально-драматического театра имени Махтумкули, народная артистка Туркменистана Оразгуль Гурдова известна своим большим вкладом в развитие туркменской культуры и искусства.

161cd265ce8819.jpeg
Генеральный директор мебельной фабрики «Айболек» Меретмухаммет ТАЧМУХАММЕДОВ

Более десяти лет руководит мебельным производством Меретмухаммет Тачмухаммедов, работа которого оценена государственными наградами - юбилейными медалями «Türkmenistanyň Garaşsyzlygynyň 20 ýyllygyna» и «Türkmenistanyň Garaşsyzlygynyň 25 ýyllygyna», а также победой в конкурсе Президента Туркменистана «Türkmeniň Altyn asyry».


160f4e8215d413.jpeg
Доктор геолого-минералогических наук Чары ПАЙТЫКОВ

Сегодня гость нашей газеты - ведущий научный сотрудник Научно-исследовательского института природного газа Государственного концерна «Туркменгаз», доктор геолого-минералогических наук, автор 83 научных публикаций, из которых три монографии, а также 30 рукописных работ Чары Моммыевич ПАЙТЫКОВ.