Türkmenistanyň halk artisti Orazgül APBASOWA

22:29 10.12.2020

https://ussatnews.com/storage/posts/349/original-15fd25aeecb68f.jpeg

Türkmen teatr sungaty diýlende, ilki bilen kalbyňda hemişelik orun tutan halypa artistleriň keşpleri birin-birin göz öňüňden geçýär. Şeýle sahna ussatlarynyň hatarynda türkmen teatr sungatynyň ösmegine uly goşant goşup, halk köpçüliginiň çäksiz söýgüsini gazanan, Türkmenistanyň halk artisti, halypa artist Orazgül Apbasowanyň ady uly hormat bilen tutulýar. Halypa artist daşary ýurtlaryň ençemesinde döredijilik saparlarynda bolup, türkmen sungatyny dünýä ýaýmaga öz goşandyny goşdy. Onuň halypaçylyk mekdebini geçen şägirtleri bagtyýar döwrümiziň belli artistleridir. Ýüregi buýsanja beslenen zehinli halypanyň özboluşly döredijilik ýoly bar. Orazgül APBASOWA bilen söhbetdeşligimizde bu hakykat bütin aýdyňlygy bilen ýüze çykdy.

– Orazgül halypa, ilki bilen, teatr dünýäsine gelşiňiz barada gürrüň beräýseňiz?

– Çagalykdan sungata gelmegi arzuw ederdim. Mekdebimizde gurnalýan sahnalardaky keşpleri çaga yhlasym bilen ýerine ýitirerdim. Etrabyň, welaýatyň çäginde geçirilýän dürli dabaralarda döreden keşplerim ussat halypa Aman Kömekowyň nazaryndan sypmandy. Ilkinji teatr sahnasyna çykanymda halypa artistler bilen zähmet çekmegim meniň döredijilik älemine has içgin girişmegime oňyn täsir etdi.

– Şu ýerde ussatlyga eýe bolmakda halypalaryňyzyň orny barada hem aýdaýsaňyz!

– Baýry halypalar Bazar Amanow, Suraý Myradowa, Sabyr Ataýewa, Ýelizaweta Garaýewa, Amangeldi Gurbandurdyýew ýaly ussatlar bilen birlikde biregne işleşmek maňa sungatyň şaýoluny açypdy. Halypalaryň ynamyny gazanmak üçin irginsiz zähmet çekmeli bolýar. Ynam üstünligiň gözbaşydyr. Haýsy keşbi ynansalar şol keşbiň üstünde irginsiz işlärdim. Artiste zehin, höwes, yhlasam gerekdir welin, ugur ýol görkezýän halypaň-da bolmaly. Şeýle halypalar bolsa mende näçe diýseň bardy.

– Sahnada şol bir keşbi ilkinji, onunjy, ýüzünji... gezek gaýtadan oýnanyňyzda keşp kämilleşýärmi?!

– Hawa, her gezek täzeçe oýnalýar, şeýdibem keşp kämilleşýär. Ýaşyňa görä keşbiňi miras almaly hem-de ony ýaşlara geçirmeli bolýar. Bu-da teatryň mizemejek kanuny. Bu gün halypalaryň ýerine ýetiren keşplerini janlandyranymda-da iş tejribäm ýetik bolsa-da, her gezek tomaşaçylaryň öňüne çykmazdan öň taýýarlanyp, soňra sahna çykýaryn. Şeýdibem, kämillige tarap ädim ädilýär.

– Üstünligiň syry nämede diýip hasaplaýarsyňyz?

– Üstünlik gazanmak üçin maksada okgunlylyk hem tutanýerlilik zerurdyr. Ynam edilmegi hem üstünlige ýetmäge mümkinçilik berýär. Artyk Jallyýewiň sahnalaşdyran «Bagbanyň gyzy» spektaklynda baş gahryman Maralyň keşbini janlandyrdym. Şol keşpden soň, üstünliklerim yzly-yzyna dowam etdi.

– Siz halkyň arasynda «Ýalpyl daýza», «Ozzy eje» ady bilen hem tanaldyňyz. Bu dogrusynda hem kelam agyz aýdaýsaňyz?

– Halkyň söýgüsini gazanmak uly bagtdyr. Köpçülik ýerlerinde maňa haýsy hem bolsa oýnan keşplerimdäki gahrymanlaryň atlaryny tutup, salam berilýän pursatlary gaty köp bolýar. Teatrdaky ilkinji keşbimi «Joralar» spektaklynda yhlas bilen ýerine ýetiripdim. Şonda halypalaryň biri şeýle diýdi: «Sahna zehinlini aýyl-saýyl edýändir Orazgül. Sen özüňde bar yhlasyňy zehiniňi oýnaýan keşbiňe siňdir. Goý, seni halk, şol keşpdäki adyň bilen tanasyn!» diýipdi. Bu gün bagtyýarlyk döwrümizde mähriban Arkadagymyzyň saýasynda halypalaryň maksatlary myrat tapdy.

– Döreden keşpleriňiziň içinde haýsylaryny has şowly hasaplaýarsyňyz?

– Döreden keşplerimiň ählijesem maňa mähriban görünýär. Olaryň her birinde bir wakany janlandyrýarsyň. Şol waka berlip ýaşaýarsyň.

– Siziň üçin ömrüň manysy näme?

– Ynsan dünýä inýär, kemala gelýär, soň özüne kär saýlaýar. Men ömrüň manysyny saýlan käriňe berlip işlemekde, agzybir maşgalaň bilen il-günümize, hormatly Prezidentimize, ata Watanymyza ak ýürekden hyzmat etmekde görýärin. Onsoňam şular ýaly asuda ýurtda, agzybir ilde ýaşamagyň özi hem uly bagt.

– Adamlarda haýsy häsiýeti halaýarsyňyz?

– Dogruçyl, kyn günüňde hoş söz berip, bir bolşuny saklap bilýän adamlara synym oturýar.

– Gözellige garaýşyňyz?

– Gözellik diýlende nähilidir bir ajaýyplyk göz öňüňe gelýär. Şol ajaýyplyklary döredýänem ynsan. Haýsy käriň eýesi bolsa bolsun, ynsan öz ynsaby bilen halal zähmet çekip, işine mähir-yhlasyny siňdirende, gözel zatlary döredýär. Döredip bilmegiň özi hem gözellikdir. Berkarar döwletimiziň bagtyýarlyk döwründe, sungat işgärlerine gowudan-gowy sungat eserlerini döretmäge uly mümkinçilikleri döredip berýän hormatly Prezidentimize ene ýüregimden alkyşly sözlerimi aýdýaryn! Türkmen halkynyň milli medeniýetine, sungatyna çäksiz sarpa goýup, onuň kämilleşmegi ugrunda ägirt uly işleri durmuşa geçirýän hormatly Prezidentimiziň belent başy aman, alyp barýan işleri rowaçlyklara beslensin!

– Beren gyzykly gürrüňleriňiz üçin köp sag boluň! Ýeneki keşpleriňizde-de üstünlikler ýar bolsun!

— Sag boluň!

Ýazgül ANNAÝEWA,

USSAT NEWS.

Другие статьи
1643677068e6d5.jpeg
Народная артистка Туркменистана Аннагуль ГУРДОВА

По многочисленным просьбам читателей гостьей редакции электронной газеты ussatnews.com стала одна из самых популярных вокалисток нашей страны, которую по праву называют легендой туркменской эстрады, - народная артистка Туркменистана, певица высшей категории Культурно-делового центра Государственного концерна «Türkmengaz» Аннагуль ГУРДОВА.


164204365be94e.jpeg
Народный писатель Туркменистана Кара Сейтлиев

Право предстать в монументальном образе перед современным поколением туркменистанцев заслужил государственный и общественный деятель, народный писатель Туркменистана, лауреат Государственной премии имени Махтумкули Кара Сейтлиев, чьё многогранное творчество оказало большое влияние на развитие национальной литературы, кино и театра.


1635eb270cd9e8.jpeg
Народная артистка Туркменистана Оразгуль ГУРДОВА

В гостях у редакции электронной газеты ussatnews.com побывала звезда туркменской эстрады и театра Оразгуль Гурдова. Вокалистка Национального музыкально-драматического театра имени Махтумкули, народная артистка Туркменистана Оразгуль Гурдова известна своим большим вкладом в развитие туркменской культуры и искусства.

161cd265ce8819.jpeg
Генеральный директор мебельной фабрики «Айболек» Меретмухаммет ТАЧМУХАММЕДОВ

Более десяти лет руководит мебельным производством Меретмухаммет Тачмухаммедов, работа которого оценена государственными наградами - юбилейными медалями «Türkmenistanyň Garaşsyzlygynyň 20 ýyllygyna» и «Türkmenistanyň Garaşsyzlygynyň 25 ýyllygyna», а также победой в конкурсе Президента Туркменистана «Türkmeniň Altyn asyry».


160f4e8215d413.jpeg
Доктор геолого-минералогических наук Чары ПАЙТЫКОВ

Сегодня гость нашей газеты - ведущий научный сотрудник Научно-исследовательского института природного газа Государственного концерна «Туркменгаз», доктор геолого-минералогических наук, автор 83 научных публикаций, из которых три монографии, а также 30 рукописных работ Чары Моммыевич ПАЙТЫКОВ.