Turkmenistanda nebit-gaz pudagy üçin hünärmen kadralar üstünlikli taýýarlanylýar
Ýurdumyzyň beýleki ýokary we ýörite orta hünär okuw mekdeplerinde bolşy ýaly, «Türkmengaz» döwlet konserniniň Mary nebitgaz orta hünär okuw mekdebinde-de hormatly Prezidentimiziň öňdengörüjilikli syýasaty esasynda ýaşlaryň saýlap alan hünärini kämil derejede ele almaklary üpjün edilýär. Okuw mekdebinde hünär alan ýaşlaryň uly topary her ýylda döwletimiziň milli ykdysadyýetiniň esasy pudagy bolan nebitgaz senagatynyň edara-kärhanalarynyň önümçiligine işe ugradylýar.
Şu ýylda hem talyp ýaşlar mekdebiň mugallymlarynyň ýolbaşçylygynda, edara-kärhanalaryň hünärmenleriniň goldaw bermeklerinde okuw hem önümçilik tejribeliklerini üstünlikli geçdiler. Birinji hem-de ikinji ýyllyk talyplar bilen okuw hem-de önümçilik tejribelikleriniň «Türkmengaz» döwlet konserniniň edara-kärhanalarynyň önümçiliginde geçirilendigini aýtmak gerek. Elektroenergetiki ulgamlaryň awtomatizasiýasy we rele goragy, senagat enjamlaryny gurnamak we tehniki taýdan ulanmak hünärini ele alýan birinji ýyl talyplar awtomatik enjamlarda üýtgeýän we hemişelik tok arkaly elektrik abzallaryny programmanyň kömegi bilen dolandyrmaklygy içgin öwrendiler. Talyp ýaşlar dünýäniň ösen döwletlerinde öndürilen kämil tehnologiýaly awtomatik abzallary sanly ulgam arkaly dolandyrmaklygyň tehnologiýasyny hem özleşdirdiler. Hünärmenleriň täze tehnologiýaly döwrebap enjamlary özleşdirmekleri üçin beren maslahatlary, geçiren tejribelik okuw sapaklary ýaşlaryň hünäri çuňňur öwrenmeklerine ýardam berdi.
Okuw mekdebiniň nebit-gaz geçirijilerini we nebit-gaz ammarlaryny gurmak hem-de ulanmak hünäriniň ikinji ýyl talyplary konserniň «Türkmengazakdyryş» birleşiginiň Döwletabat — Derýalyk baş gaz geçirijisiniň ugrunda ýerleşýän «Şatlyk» gaz gysyjy desgasynda önümçilik tejribeligini geçdiler. Bu ýerde berkidilen tejribeli hünärmenler talyp ýaşlara desganyň gaz gysyjy agregatlarynyň işleýiş tehnologiýasyny-da, kärhananyň himiki barlaghanasynda tebigy gazyň düzüminiň arassalanylyş usullaryny-da giňişleýin düşündirdiler. Şu ýerde «Galkynyş» we Döwletabat gaz känlerinden gelýän tebigy gaz sowadylýar we ýokary basyş berlip, baş gaz geçiriji boýunça «Garagum» gaz gysyjy desgasyna ugradylýar. Önümçilik tejribeliginde ýaşlar kärhananyň önümçiligi, onuň aýratynlyklary, gazçy hünärmenleriň döredijilikli işleri, baş gaz geçiriji arkaly tebigy gazyň daşary bazara ugradylyşy bilen ýakyndan tanyş boldular. Munuň özi talyp ýaşlara nazary okuwlarda öwrenenlerini önümçilik bilen pugta utgaşdyryp, hünäri kämil derejede ele almaklyga şert döretdi.
— Okuw mekdebimiziň nebit we gaz känlerini işläp geçmek, nebit, gaz guýularyny düýpli abatlamak, nebit-gaz ýataklarynyň gözlegi we olary ulanmak, ölçeg-barlag enjamlary we awtomatika hünärleri boýunça okaýan talyp ýaşlar konserniň «Marygazçykaryş» «Türkmengazawtomatika» müdirliklerinde we beýleki edara-kärhanalarynda önümçilik tejribeligini geçirdiler.
Mekdebimizde talyplaryň okuw-önümçilik tejribeligi bellenilen meýilnama esasynda alnyp baryldy. Tejribeligiň maksadalaýyk, ýokary netijeli geçirilmeginde okuw mekdebimiziň bölüm müdirleri Nagmatmyrat Bäbekow, Serdar Orazdurdyýew, Selbi Ýagmyrowa we beýleki mugallymlar aýratyn işjeňlik görkezdiler — diýip, Mary nebitgaz orta hünär okuw mekdebiniň direktorynyň tejribeçilik işleri boýunça orunbasary Garry Agageldiýew gürrüň berýär.
14-летний туркменский теннисист дебютирует в отборе Roland-Garros Junior Series
14-летний туркменский теннисист Али Гельдыев впервые в карьере выступит на престижном международном турнире Roland-Garros Junior Series by Renault Qualification for West and Central Asia, - сообщает сайт «Туркменистан: золотой век».
Студенты Марыйского колледжа «Туркменгаза» прошли практику на ключевых объектах отрасли
В Марыйском нефтегазовом среднем профессиональном учебном заведении Государственного концерна «Туркменгаз» продолжается успешная подготовка квалифицированных специалистов для ключевой отрасли национальной экономики. Выпускники ежегодно пополняют штаты передовых предприятий топливно-энергетического комплекса страны.
Профессор Владимир Витт научил мир ценить ахалтекинцев
Имя выдающегося советского ученого-ипполога, доктора сельскохозяйственных наук и профессора Владимира Оскаровича Витта (1889–1964) вписано золотыми буквами в историю мирового коневодства.
В Туркменистане сохраняют древние секреты создания узорчатых кошм
В Туркменистане продолжают бережно сохранять и развивать уникальное прикладное искусство — изготовление узорчатых кошм (gülli keçe). Это ремесло, возведенное мастерицами в ранг высокого искусства, передается из поколения в поколение и остается важной частью культурного наследия страны, - сообщает газета «Ahal durmuşy».
Модернизация и новые корпуса санатория «Арчман» расширяет возможности для оздоровления
Известный лечебно-оздоровительный комплекс «Арчман», расположенный в Бахерденском этрапе, продолжает активно развивать свою инфраструктуру и медицинскую базу. Санаторий, более века пользуется высокой популярностью как среди жителей Туркменистана, так и у зарубежных гостей благодаря уникальным свойствам местной термальной воды, сообщает газета «Türkmenistan».
