Çaganyň akyl başarnygyny ösdürmek
17:26 15.11.2023
Çaga terbiýesi durmuşyň hem-de jemgyýetiň möhüm bölegi bolup durýar. Terbiýe ýaş nesliň ilkinji günlerinden başlanýar diýsek ýalňyşmarys. Bu wajyp meselede fiziki, ruhy hem-de akyl taýdan ösüş çaganyň terbiýesiniň esasyny düzýär. Ýaş nesli durmuşa ugrukdyrmakda, sözleýiş, özüňi alyp barmak medeniýetini ösdürmekde akyl başarnygyna aýratyn ähmiýet berilýär. Her bir sapagyň netijeli bolmagy çaganyň akyl ýetiriş ukybyna hem bagly bolup durýar. Şonuň üçin ene-atalar, terbiýeçilerdir mugallymlar çaganyň akyl başarnygyny ösdürmäge möhüm ähmiýet berýärler. Bu ugurda netijeli okuw-terbiýeçilik usullarynyň kemala gelendigini aýratyn bellemelidiris. Olardan käbiri barada durup geçmek peýdaly bolsa gerek.
Çaga 6 aýlyk döwründe ilkinji dürli suratly bezelen kitaplar bilen tanyşdyrmak we ony okap bermek bolar. Şu döwürde dürli şekilli oýunjaklar onuň ösüşinde has-da peýdalydyr. Bir ýaşly çagada daşky gurşawy öwrenmek islegi artyp ugraýar. Bu ýaşda çaga bilen köpräk gürleşmeli, sowallary bermeli. Iki ýaşly çagada sözleýiş endikleri işjeňleşýär, onda beýleki çagalar bilen gatnaşyklar, tanyşlyk we bilelikdäki oýunlar peýdalydyr. Üç ýaşynda çaganyň akyl ýetiriş ukyplarynyň ösüşini tizleşdirmek üçin olary ýörite gurnaklara gatnatmak bolar. Bu ýaşda surat, çyzgy, tans, sazçylyk ýaly ugurlar peýdalydyr.
Hünärmenler çagany belli bir ugur boýunça ösdürmegi maslahat berýär. Ýagny, irki ýaşlarda okuw sapaklaryny öňde tutup, çagany fiziki işlerden, hereketli oýunlardan çetleşdirmek ýalňyş hasaplanýar. Çaga 4-5 ýaşlarynda daşary ýurt dillerini öwredip başlamak mümkindir. Bu onuň dünýägaraýşynyň, düşünjesiniň giňemegine peýdaly bolup, täze diliň çalt özleşdirilmeginde netijelidir.
Çaganyň 4-5 ýaşa çenli döwri onuň şahsyýet hökmünde kemala gelmeginde esas bolup durýar. Bu döwürde ene-atalar hem-de mugallym-terbiýeçiler çaga terbiýesine hemmetaraplaýyn oýlanyşykly çemeleşmelidirler. Belli pedagoglaryň belleýşi ýaly, çaganyň ýekeje güni hem peýdasyz, ýöne geçmeli däldir. Çaganyň ösüşinde aýdym-saz, sungat, sport möhüm orny eýeleýär. Döredijilik pikirlenmegiň, akyl ýetirmegiň hem-de zähmetiň miwesini emele getrýär. Hut şonuň üçin ýaş nesliň gündelik durmuşyny kiçijik açyşlar, oýlaptapyşlar gurşap almalydyr.
Gülşirin ALLAGULYÝEWA,
Aşgabat şäherindäki 98-nji orta mekdebiň başlangyç synp mugallymy.
ПИФАГОР - О НАС Судьба наша заложена в дате рождения
Пифагор долго жил в племени дагонов... Знания, вынесенные им оттуда, и до сих пор удивляют нас. В таблицах Пифагора о людях сказано все, что они собой представляют. И так, каковы же мы по, системе Пифагора?
Электромобиль самое удобное решение в сохранении чистоты воздуха
Одним из приоритетных направлений государственной политики Туркменистана является охрана окружающей среды, бережное отношение к природным ресурсам и рациональное их использование, внедрение в производство экологически чистых технологий.
Чего нам не хватает, когда хочется сладкого, солёного, острого
• Хочется пирожных и тортов? Значит, организму не хватает витаминов А, D, К, Е. Полезная альтернатива — кабачки, сливки.
Осенний рацион для здоровья и хорошего настроения
Осенью самое время позаботиться о своём иммунитете и задуматься о пересмотре своих пищевых привычек. В этот период нужно обратить внимание на рацион и режим питания, его сбалансированность.
Влияние солнца на здоровье человека
Влияние солнца на организм человека может иметь как положительный, так и отрицательный эффект. При правильном подходе можно повысить иммунитет, укрепить здоровье и поднять настроение; наоборот — перебор с солнечными ваннами способен привести к серьезным заболеваниям.