Türkmenistanyň wekiliýeti Germaniýa bilen hyzmatdaşlygy pugtalandyrýar
23–28-nji iýun aralygynda Türkmenistanyň Energetika ministrliginiň, Bilim ministrliginiň hem-de Döwlet energetika institutynyň wekillerinden düzülen wekiliýeti Germaniýa Federatiw Respublikasyna tanyşlyk saparyny amala aşyrdy. Sapar Ýewropa Bileleşiginiň we Germaniýanyň Daşary işler ministrliginiň maliýe goldawynda Germaniýanyň Halkara hyzmatdaşlyk jemgyýeti (GIZ) tarapyndan durmuşa geçirilýän “Ýewropa Bileleşigi – Türkmenistanyň ýaşyl ösüşi üçin: 2024–2028 ýyllar üçin syýasy dialog we howanyň üýtgemegine garşy çäreler” atly taslamanyň çäklerinde guraldy.
Saparyň baş maksady, 2024-nji ýylyň 14-nji maýynda Türkmenistanyň Energetika ministrligi, “Türkmengaz” döwlet konserni we GIZ bilen baglaşylan özara düşünişmek baradaky Ähtnamada kesgitlenen wezipeleri durmuşa geçirmekden ybarat boldy. Bu resminama gaýtadan dikeldilýän energetika, häzirki zaman tehnologiýalarynyň ornaşdyrylmagy, şeýle hem akademiki we ylmy hyzmatdaşlygyň ösdürilmegi ugrunda bilelikdäki işleri göz öňünde tutýar.
Saparyň dowamynda Germaniýanyň döwlet edaralarynyň — Daşary işler ministrliginiň, Ykdysadyýet we howa gorag ministrliginiň hem-de Ylym, gözlegler, tehnologiýa we kosmos ministrliginiň wekilleri bilen duşuşyklar geçirildi. Energetika howpsuzlygy, durnukly ösüş, energiýa netijeliligi we howa syýasaty ýaly möhüm meseleler boýunça pikir alşyldy.
Akademiki hyzmatdaşlyga aýratyn ähmiýet berildi. Wekiliýet Germaniýanyň öňdebaryjy ýokary okuw mekdepleriniň — Martin Lýuter adyndaky Halle-Wittenberg uniwersitetiniň, Anhalt amaly ylymlar uniwersitetiniň hem-de Klausthal tehniki uniwersitetiniň iş tejribesi bilen tanyşdy. Bilelikdäki ylmy-barlag taslamalaryny durmuşa geçirmek, akademiki alyş-çalyş maksatnamalaryny giňeltmek boýunça netijeli gepleşikler geçirildi.
Çäräniň çäklerinde häzirki zaman energiýa tygşytlaýjy tehnologiýalar we gaýtadan dikeldilýän energiýa çeşmelerinden peýdalanmak mümkinçilikleri boýunça ýörite tanyşdyrylyş dabarasy hem geçirildi. Şeýle çäreleriň halkara hyzmatdaşlygyny ösdürmekdäki we ählumumy durnukly ösüşe goşant goşmakdaky ähmiýeti aýratyn nygtaldy.
Saparyň netijesinde gazanylan tejribeler we ýola goýlan hyzmatdaşlyklar Türkmenistan bilen Germaniýanyň arasyndaky gatnaşyklary mundan beýläk hem pugtalandyrmaga, şeýle hem Türkmenistanyň dünýäniň ylmy-bilim giňişligine goşulyşygyny giňeltmäge mümkinçilik döretdi.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
Döwrebap işler bitirilýär
Ýurdumyzyň günbatar sebitindäki hazynaly ýataklardan uglewodorod çig mallaryny gözläp tapmagy «Türkmennebit» döwlet konserniniň «Türkmennebitgeofizika» müdirliginiň hünärmenleriniň irginsiz we netijeli zähmetinden aýrybaşga göz öňüne getirmek kyndyr.
