Türkmenistan parahatçylyk, döredijilik we belent üstünlikler ýylyny garşy aldy
Gözel ŞAGULYÝEWA, Türkmenistanyň Gahrymany, Türkmenistanyň halk ýazyjysy, Magtymguly adyndaky Halkara baýragynyň eýesi:
— Gül ömrüň goýnunda seýran edip ýörşüňe, döwrüň-döwürden parhyna has oňat, has içgin düşünýärsiň. Eýsem, Gahryman Arkadagly, Arkadagly Gahryman Serdar Ogully ajaýyp döwrüň beýleki döwürlerden tapawudy nämede? Adam mertebesini belende götermekde! Adamyň hem adamzadyň ýüregine ýol salyp bilmekde! Her aýdan sözüňe dünýäniň baş atyp, goldamagyny, ylalaşmagyny, ykrar etmegini gazanmagy başarmakda! Hemişelik Bitaraplygymyzyň 30 ýyllyk baýramynyň öňüsyrasynda hormatly Prezidentimiziň Permany bilen maňa «Türkmenistanyň Bitaraplygynyň 30 ýyllygyna» atly Türkmenistanyň ýubileý medaly we ýadygärlik nyşanlarynyň gowşurylmagy begenjimi artdyrdy. Bu belent sylag üçin Arkadagly Gahryman Serdarymyza soňsuz sagbolsunlarymy, alkyşlarymy aýdýaryn.
Ýyllaryň gujagynda erkana guşlaryň şirin owazyndan, asuda asmanyň nurundan, parahat zeminiň mährinden ganyp ine-gana ýaşaýandygymyz nämä degmeýär?!
Taryhyň gatlaryna ser salsaň, ata Watanymyzyň ýyldan-ýyla neneňsi ösüp-özgerýändigine göz ýetirýärsiň hem haýran galýarsyň. Bu bir, tüýs bedew bady diýilýän ahyry. Onda-da Göroglynyň gyraty ýaly ganatly bedew bady! 2026-njy ýylyň şygarynyň «Garaşsyz, baky Bitarap Türkmenistan — bedew batly at-myradyň mekany» diýip yglan edilmegi-de şu ýylymyzyň hem şan-şöhratly ýyllaryň biri boljakdygyna uly ynam döredýär. Nesip bolsa, şu täze ýylda maksatlar myrada, arzuwlar wysala gowşar. Gahryman Arkadagdan, Arkadagly Gahryman Serdar Oguldan sarpaly hem arkaly ýürekden çykýan soňlanmajak owazdyr bu, mähribanlar! Täze ýylyňyz düşümli bolsun!
«Eni Turkmenistan Limited» kompaniýasy bäsleşige gatnaşmak üçin arzalary kabul edip başlady
«Eni Turkmenistan Limited» kompaniýasy №10123191 belgili bäsleşige gatnaşmak üçin resminamalary kabul etmegiň deslapky tapgyrynyň başlandygyny habar berýär. Taslama enjamlary düýpli abatlamak boýunça hyzmatlary bermegi we zerur bolan ätiýaçlyk şaýlarynyň üpjünçiligini göz öňünde tutýar diýip, Turkmenportal neşiri habar berýär.
Türkmenistanyň Prezidenti nebitgaz toplumynda ýokary derejeli hünärmenleri taýýarlamak boýunça teklibi goldady
23-nji ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Türkmenistanyň Prezidenti TNGIZT-ni döwrebaplaşdyrmak bilen bagly teklibi goldady
16-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy. Bu barada TDH habar berýär.
Türkmenistanyň Prezidenti 2026-njy ýylda nebitgaz toplumynyň işi boýunça meýilnamalary makullady
9-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. “Garaşsyz, baky Bitarap Türkmenistan — bedew batly at-myradyň mekany” ýylynda ilkinji gezek geçirilýän mejlisde döwlet durmuşyna degişli birnäçe meselelere garaldy diýip, TDH habar berýär.
Ýylyň şygaryna bagyşlanan dabaraly maslahat geçirildi
“Türkmennebit” döwlet konserniniň Balkanabat nebitçilik orta hünär okuw mekdebinde mugalumlaryň we talyp ýaşlaryň hem-de jemgyýetçilik guramalaryň gatnaşmagynda 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy mynasybetli hem-de ýylyň nyşanynyň many-mazmunyny giňden wagyz etmek maksady bilen aýdym-sazly dabaraly maslahat geçirildi.
