Ýurdumyzyň ýaş robot tehnikaçylary Astana ugradylar: Maksat — ABŞ-daky dünýä finaly
Ýurdumyzyň zehinli mekdep okuwçylarynyň 10-sy Gazagystanyň Astana şäherine ugradylar. Olar 2026-njy ýylyň 10-13-nji fewraly aralygynda geçiriljek FTC (FIRST Tech Challenge) çempionatynyň sebitleýin tapgyryna toparlaýyn esasda gatnaşarlar.
FIRST Tech Challenge — ABŞ-nyň "First Global" guramasy tarapyndan geçirilýän, dünýäniň iň uly robot tehnikasy boýunça bäsleşik bolup durýar. Oňa her ýyl 100-den gowrak döwletden 70 000-den gowrak okuwçy gatnaşýar. Okuwçylar öz ýasan awtonom robotlary bilen çylşyrymly ýumuşlary ýerine ýetirýärler.
Gazagystanyň paýtagtynda geçiriljek bäsleşige sebit boýunça 400-den gowrak topardan saýlanan iň güýçli 60 topar gatnaşar. Ýaş robot tehnikaçylarymyzyň esasy maksady — bu ýaryşda ilkinji üçlüge girip, ABŞ-nyň Huston şäherinde geçiriljek dünýä finalyna gatnaşmaga hukuk gazanmakdyr.
Ýaryşyň Astanada geçjek sebitleýin tapgyra gatnaşjak okuwçylarymyz:
"Oguzrobot" topary:
• Aýnagözel Keýmirowa (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy)
• Oraznyýaz Rejepow (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy)
• Nepesaly Täçmyradow (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy)
• Nuraly Kerimow (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy)
• Nazar Jumamyradow (Aşgabat şäheriniň şäheriniň iňlis dili, himiýa we biologiýa derslerini çuňlaşdyryp öwredýän ýöriteleşdirilen 86-njy orta mekdebiniň okuwçysy)
"Erjeller" topary:
• Dürdäne Kurbanowa (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy)
• Arslan Babajyýew (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy)
• Orazmuhammet Merdanow (Aşgabat şäheriniň şäheriniň iňlis dili, himiýa we biologiýa derslerini çuňlaşdyryp öwredýän ýöriteleşdirilen 86-njy orta mekdebiniň okuwçysy)
• Meýlis Baýryýew (Aşgabat şäheriniň şäheriniň iňlis dili, himiýa we biologiýa derslerini çuňlaşdyryp öwredýän ýöriteleşdirilen 86-njy orta mekdebiniň okuwçysy)
• Pirnazar Ataýew (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy)
Ýaş inženerlerimiz bu halkara ýaryşa paýtagtymyzdaky “Kämil bilim” okuw merkezinde doly taýýarlyk gördüler.
Ýatlap geçsek, mekdep okuwçylarymyz Astanada geçirilýän bu halkara bäsleşige geçen ýylda ilkinji gezek gatnaşyp, “Halkara üstünlik” baýragyna mynasyp bolmagy başardylar. Bu ýyl ýurdumyzdan iki toparyň gatnaşmagy ýaşlarymyzyň tehnologiýa bolan gyzyklanmasynyň ýylsaýyn artýandygynyň subutnamasydyr.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
Nebitgaz toplumynda on aýyň jemlerine garaldy
6-njy noýabrda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi.
Hökümet mejlisinde ýangyç-energetika toplumynyň işiniň ýanwar-oktýabr aýlary boýunça jemleri jemlenildi
5-nji noýabrda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisde şu ýylyň on aýynda ýurdumyzda alnyp barlan işleriň jemleri jemlenildi. Bu barada TDH habar berýär.
Daşoguz welaýatynda azotly dökünleri öndürýän iri himiýa toplumy gurlar
4-nji noýabrda Türkmenistanyň Prezidenti Serdar Berdimuhamedowyň gatnaşmagynda Daşoguz welaýatynyň Garaşsyzlyk etrabynyň çäginde ýylda 350 müň tonna karbamid we 350 müň tonna ammiak selitra dökünlerini öndürjek täze toplumyň düýbüni tutmak dabarasy geçirildi diýip, TDH habar berýär.
