Amyderýadan Aşgabada: Ýaş tebigatçylar üçin okuw maslahaty geçirildi
Amyderýa döwlet tebigy goraghanasynda guralan eko-syýahatyň dowamy hökmünde, Aşgabatda ýaşlar üçin okuw maslahaty geçirildi. Bu çäre “Ýaş tebigatçy” jemgyýetçilik guramasy tarapyndan, BMG-niň Ösüş Maksatnamasynyň (UNDP) we Global ekologiýa gaznasynyň (GEF) «Köp sanly bähbitleriň alynmagy üçin Aral deňziniň giňişliginde ýer serişdelerini we ýokary tebigy gymmatlygy bolan ekoulgamlary gorap saklamak we durnukly dolandyrmak» taslamasynyň çäklerinde guraldy. “Bouygues Turkmen” kompaniýasynyň edarasynda geçirilen bu okuw maslahaty ýaşlaryň ekologiýa we howanyň üýtgemegi baradaky bilimlerini artdyrmagy maksat edindi. Bu barada “Ýaş tebigatçy” jemgyýetçilik guramasynyň resmi saýtynda (https://tebigatchy.co.tm/tm/news/amyderyadan-asgabada-yas-tebigatcylar-ucin-okuw-maslahaty-gecirildi-nrzg) habar berilýär.
Okuw maslahatynyň dowamynda gatnaşyjylar "Climate Fresk" usulyýeti arkaly howanyň üýtgemeginiň sebäplerini we netijelerini giňişleýin öwrendiler. "Bouygues Turkmen" kompaniýasynyň hünärmenleriniň gatnaşmagynda geçirilen bu okuw her bir gatnaşyjynyň öz alan bilimini beýleki ýaşlara ýetirip bilýän tebigatçy bolup ýetişmegine mümkinçilik berýär.
Maslahatda ýurdumyzyň döwlet goraghanalaryna we biodürlüligiň goragyna aýratyn orun berildi. Amyderýa döwlet tebigy goraghanasyndaky tejribelere esaslanyp, iýmit zynjyryndaky her bir görnüşiň tebigat üçin ähmiýeti we bir görnüşiň ýitip gitmeginiň tutuş ekoulgama ýetirip biljek zyýany seljerildi. Şeýle hem, innowasion tehnologiýalary howanyň üýtgemegine garşy göreşmekde netijeli ulanmagyň ýollary barada gyzykly çekişmeler boldy.
Lebapda başlap, paýtagtymyzda dowam eden bu çäre Bütindünýä Ýer gününe bagyşlanan ekologik başlangyçlaryň birine öwrüldi.
Ýangyç-energetika toplumynyň çig mal binýadyny pugtalandyrmakda guwandyryjy zähmet ýeňişleri
«Garaşsyz, baky Bitarap Türkmenistan — bedew batly at-myradyň mekany» ýylynda mukaddes Garaşsyzlygymyzyň şanly 35 ýyllyk toýuna giňden taýýarlyk görülýän günlerde milli ykdysadyýetimiziň beýleki pudaklarynda bolşy ýaly, nebitgaz toplumynda hem guwandyryjy zähmet ýeňişleri gazanylýar.
Türkmenistan kükürtsiz tebigy gazy gözlemek üçin geologiýa-gözleg burawlaýyş işlerini giňeldýär
«Türkmengeologiýa» döwlet korporasiýasy ýurdumyzyň dürli sebitlerinde ýerleşýän birnäçe nebitgazly meýdançalarda kükürtsiz tebigy gazyň gözlegine aýratyn üns berip, giň gerimli geologiýa-gözleg we ulanyş burawlaýyş işlerini alyp barýar. Işler «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» çäklerinde amala aşyrylýar.
Umumymilli foruma taýýarlygyň çäklerinde maslahat geçirildi
Watanymyzyň ösüş ýolunda täze belentliklere tarap ynamly gadam urýan döwründe Garaşsyz, hemişelik Bitarap Türkmenistanda ýurdumyzyň iň ýokary wekilçilikli edarasy bolan Türkmenistanyň Halk Maslahatynyň nobatdaky mejlisine taýýarlyk işleri işjeň ýagdaýda alnyp barylýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
