Awtoulaglara ýangyç guýujy täze beketler sürüjileriň hyzmatynda
Hormatly Prezidentimiz 10-njy aprelde ýurdumyzyň Lebap welaýatynda iş sapary bilen bolanda, uzynlygy 600 kilometr bolan Aşgabat — Türkmenabat ýokary tizlikli halkara awtomobil ýolunyň Mary — Türkmenabat bölegini açyp ulanmaga berdi. Munuň özi hemmelerde begenç hem buýsanç duýgusyny döretdi. Dünýä ülňülerine laýyk gurlan bu täze, döwrebap ýoluň ulanylmaga berilmegi ýükleriň gysga wagtda, köp mukdarda daşalmagyna, ýurdumyzyň gündogar welaýatynyň merkezini Aşgabat şäheri bilen baglanyşdyryp, ýolagçy gatnawlarynyň ýokary hilli guralmagyna uly täsirini ýetirer.
Halkara ölçegleriniň talaplaryna doly laýyk gelýän ýokary tizlikli ýoluň Mary — Türkmenabat böleginiň ugrunda ähli amatlyklary bolan döwrebap hyzmat ediş binalarynyň ençemesi, şol sanda awtoulaglara ýangyç guýujy beketler hem işe girizilip, ilata hyzmat edip başlady.
Bu gün sürüjiler «Türkmennebit» döwlet konserniniň «Türkmennebitönümleri» baş müdirliginiň ýoluň 485-nji kilometrliginde ýerleşýän 247-nji hem-de 248-nji awtoulaglara ýangyç guýujy beketleriniň işgärleriniň hyzmatyndan giňden peýdalanýarlar. Mary welaýatynyň Baýramaly etrabynyň çäginde ýerleşýän bu beketler «Türkmennebitönümleri» baş müdirliginiň buýurmasy esasynda onuň Hojalyk hasaplaşygyndaky gurluşyk-abatlaýyş kärhanasynyň gurluşykçylary tarapyndan ýokary hil derejesinde bina edilipdir. Müdirligiň Baýramaly nebit önümleri kärhanasyna degişli bu beketleriň dünýäniň ösen döwletleriniň ýokary tehnologiýaly ýangyç guýujy we beýleki enjamlary bilen enjamlaşdyrylmagy sürüjilere bökdençsiz hem ýokary hilli hyzmat etmeklige mümkinçilik berýär. Awtoulaglara ýangyç guýujy beketlerde sürüjiler öz awtoulag serişdelerine benziniň A-95, A-92, A-80, EKO-93 görnüşlerini, şeýle hem dizel ýangyjyny guýup bilýärler. Beketleriň her birinde göwrümi altmyş tonna ýangyjy saklamaga mümkinçilik berýän metal çanlaryň bäşisiniň bolmagy ýangyjyň ätiýaçlyk möçberini saklamaklyga şert döredýär. Bu ýerde ýangyna garşy göreş çärelerini doly we dogry berjaý etmek üçin bildirilýän talaplara laýyk enjamlar ýerleşdirilipdir. Awtoulaglara ýangyç guýujy beketleriň her birinde gije-gündizde bir müň awtoulaga hyzmat edilýär.
Beketlerde zähmet çekýän operatorlar üçin ýörite jaýlar gurlup, olarda işlemek hem dynç almak üçin oňat iş şertleriniň döredilendigini, bu hyzmat ediş nokatlarynyň ýanaşyk ýerleriniň abadanlaşdyrylyp, dürli bag nahallarynyň oturdylandygyny hem aýtmak gerek.
Şu ýokary tizlikli halkara awtomobil ýoluny gurduryp beren Gahryman Arkadagymyza, Arkadagly Gahryman Serdarymyza halkymyzyň alkyşlary çäksizdir.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
