Turkmenistanda nebit-gaz pudagy üçin hünärmen kadralar üstünlikli taýýarlanylýar
Ýurdumyzyň beýleki ýokary we ýörite orta hünär okuw mekdeplerinde bolşy ýaly, «Türkmengaz» döwlet konserniniň Mary nebitgaz orta hünär okuw mekdebinde-de hormatly Prezidentimiziň öňdengörüjilikli syýasaty esasynda ýaşlaryň saýlap alan hünärini kämil derejede ele almaklary üpjün edilýär. Okuw mekdebinde hünär alan ýaşlaryň uly topary her ýylda döwletimiziň milli ykdysadyýetiniň esasy pudagy bolan nebitgaz senagatynyň edara-kärhanalarynyň önümçiligine işe ugradylýar.
Şu ýylda hem talyp ýaşlar mekdebiň mugallymlarynyň ýolbaşçylygynda, edara-kärhanalaryň hünärmenleriniň goldaw bermeklerinde okuw hem önümçilik tejribeliklerini üstünlikli geçdiler. Birinji hem-de ikinji ýyllyk talyplar bilen okuw hem-de önümçilik tejribelikleriniň «Türkmengaz» döwlet konserniniň edara-kärhanalarynyň önümçiliginde geçirilendigini aýtmak gerek. Elektroenergetiki ulgamlaryň awtomatizasiýasy we rele goragy, senagat enjamlaryny gurnamak we tehniki taýdan ulanmak hünärini ele alýan birinji ýyl talyplar awtomatik enjamlarda üýtgeýän we hemişelik tok arkaly elektrik abzallaryny programmanyň kömegi bilen dolandyrmaklygy içgin öwrendiler. Talyp ýaşlar dünýäniň ösen döwletlerinde öndürilen kämil tehnologiýaly awtomatik abzallary sanly ulgam arkaly dolandyrmaklygyň tehnologiýasyny hem özleşdirdiler. Hünärmenleriň täze tehnologiýaly döwrebap enjamlary özleşdirmekleri üçin beren maslahatlary, geçiren tejribelik okuw sapaklary ýaşlaryň hünäri çuňňur öwrenmeklerine ýardam berdi.
Okuw mekdebiniň nebit-gaz geçirijilerini we nebit-gaz ammarlaryny gurmak hem-de ulanmak hünäriniň ikinji ýyl talyplary konserniň «Türkmengazakdyryş» birleşiginiň Döwletabat — Derýalyk baş gaz geçirijisiniň ugrunda ýerleşýän «Şatlyk» gaz gysyjy desgasynda önümçilik tejribeligini geçdiler. Bu ýerde berkidilen tejribeli hünärmenler talyp ýaşlara desganyň gaz gysyjy agregatlarynyň işleýiş tehnologiýasyny-da, kärhananyň himiki barlaghanasynda tebigy gazyň düzüminiň arassalanylyş usullaryny-da giňişleýin düşündirdiler. Şu ýerde «Galkynyş» we Döwletabat gaz känlerinden gelýän tebigy gaz sowadylýar we ýokary basyş berlip, baş gaz geçiriji boýunça «Garagum» gaz gysyjy desgasyna ugradylýar. Önümçilik tejribeliginde ýaşlar kärhananyň önümçiligi, onuň aýratynlyklary, gazçy hünärmenleriň döredijilikli işleri, baş gaz geçiriji arkaly tebigy gazyň daşary bazara ugradylyşy bilen ýakyndan tanyş boldular. Munuň özi talyp ýaşlara nazary okuwlarda öwrenenlerini önümçilik bilen pugta utgaşdyryp, hünäri kämil derejede ele almaklyga şert döretdi.
— Okuw mekdebimiziň nebit we gaz känlerini işläp geçmek, nebit, gaz guýularyny düýpli abatlamak, nebit-gaz ýataklarynyň gözlegi we olary ulanmak, ölçeg-barlag enjamlary we awtomatika hünärleri boýunça okaýan talyp ýaşlar konserniň «Marygazçykaryş» «Türkmengazawtomatika» müdirliklerinde we beýleki edara-kärhanalarynda önümçilik tejribeligini geçirdiler.
Mekdebimizde talyplaryň okuw-önümçilik tejribeligi bellenilen meýilnama esasynda alnyp baryldy. Tejribeligiň maksadalaýyk, ýokary netijeli geçirilmeginde okuw mekdebimiziň bölüm müdirleri Nagmatmyrat Bäbekow, Serdar Orazdurdyýew, Selbi Ýagmyrowa we beýleki mugallymlar aýratyn işjeňlik görkezdiler — diýip, Mary nebitgaz orta hünär okuw mekdebiniň direktorynyň tejribeçilik işleri boýunça orunbasary Garry Agageldiýew gürrüň berýär.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
