Zähmeti goramaklyga möhüm ähmiýet berilýär
«Türkmengaz» döwlet konserniniň Ylmy-barlag tebigy gaz institutynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan zähmeti goramak we tehniki howpsuzlyk düzgünlerini kämilleşdirmek bilen bagly «tegelek stolda» söhbetdeşlik geçirildi.
Degişli toplumyň önümçilik düzümleriniň inženerleri, tehniki howpsuzlyk, zähmeti goramak boýunça hünärmenleri bilen geçirilen söhbetdeşligiň dowamynda «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň önümçiliklerinde, edara-kärhanalarynda, meýdan şertlerindäki önümçilik desgalarynda, bagçylyk, tokaý zolaklarynda tehniki howpsuzlyk düzgünleriniň berjaý edilişi, işgärlere, hünärmenlere, şol sanda meýdan şertlerinde işleýän zähmet köpçüligine döredilen amatly şertler, işgärleriň we hünärmenleriň zähmetini goramakda alnyp barlan işler, ýangyn howpsuzlygynyň düzgünleriniň berjaý edilişi, ýurdumyzyň döwlet syýasatynda ileri tutulýan adam hakyndaky aladadan gelip çykýan çözgütleri köpçülikleýin şertnama girizmek hem-de ony doly, dogry ýerine ýetirmek barada giňişleýin durlup geçildi. Duşuşykda zähmeti goramak işlerini kämilleşdirmek barada özara pikir alşyldy we teklipler diňlenildi.
Maslahata gatnaşyjylaryň öz çykyşlarynda belleýşi ýaly, edara-kärhanalara, önümçiliklere ornaşdyrylýan döwrebap tehnologiýalar we enjamlar iş şertlerini ýeňilleşdirmek bilen birlikde, önümçiligiň depginini ýokarlandyrýar we daşky gurşawyň abadançylygyna oňaýly täsir edýär. Adamyň saglygyny berkitmekde, dikeltmekde, iş şertlerini gowulandyrmakda, dynç alşyny talabalaýyk guramakda amala aşyrylýan maksatnamalaýyn beýik tutumlar raýatlarymyzy täze zähmet üstünliklerine ruhlandyrýar.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
