Türkmenistanyň erkin göreşçileri okuw-türgenleşik ýygnanyşyklaryny geçirdiler
2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.
Birinji tapgyr 1–9-njy awgust aralygynda Mary şäheriniň 2-nji sport mekdebinde geçirildi. Türkmenistanyň Sport göreşi federasiýasynyň tälimçisi, zenanlaryň erkin göreşi boýunça Türkmenistanyň baş tälimçisi Kakamyrat Myradow 15 türgen bilen bilelikde Mary welaýatynyň öňdebaryjy tälimçileri — Gadam Ýazlyýew, Öwezgeldi Orazgylyjow we beýleki tälimçileriň gatnaşmagynda türgenleşikleri geçirdi.
Bilelikdäki türgenleşiklere welaýatyň güýçli pälwanlary hem goşulyp, öz göreş usullaryny kämilleşdirdiler we fiziki taýýarlygyny berkitdiler. 10–18-nji awgust aralygynda taýýarlyk işleri Aşgabat şäherinde dowam etdirildi. Mary welaýatynyň tälimçisi Gadam Ýazlyýewiň ýolbaşçylygyndaky welaýatyň öňdebaryjy türgenleri paýtagtdaky türgenleşiklere gatnaşdylar. Türgenleşikler Aşgabat şäheriniň Olimpiýa şäherçesinde Batyr Orazgylyjowyň zalynda hem-de «Köpetdag» stadionynyň «Zähmet» sport zalynda Annamyrat Bekiýewiň ýolbaşçylygynda geçirildi.
Bu taýýarlyk welaýat türgenlerine paýtagtyň tälimçilik mekdebiniň tejribesinden peýdalanmaga mümkinçilik döretdi. Jemleýji tapgyr 18–21-nji awgust aralygynda ýene-de Maryda geçirildi: Türkmenistanyň 15 ýaşly erkin göreşçileriniň baş tälimçisi Annamyrat Bekiýew 20 sany ýaş türgen bilen ýerli pälwanlar bilen bilelikde türgenleşmek üçin geldi. Ýaş türgenler tajribeli pälwanlar bilen bilelikde zähmet çekip, uly tejribe topladylar.
Geçirilen bu türgenleşik ýygnanyşyklary ýurdumyzda erkin göreşi ösdürmekde, türgenleri taýýarlamagyň hilini ýokarlandyrmakda hem-de welaýat we paýtagt tälimçileriniň arasyndaky hyzmatdaşlygy berkitmekde möhüm ädim boldy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
