«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Mälim bolşy ýaly, maksatnamany dabaraly bölüm we Ozon merkezi tarapyndan taýýarlanan wideoroligiň görkezilişi açar. Şondan soňra gyzykly intellektual bäsleşik başlanar. Onda 15–24 ýaş aralygyndaky 10 adamdan ybarat bolan iki topar özara bäsleşerler. Olar klimatyň üýtgemegine garşy göreşmäge, ozon gatlagyny goramaga, tebigy seretjelere aýawly garamaga we ekologiýa meseleleriniň çözgütlerini gözlemäge bagyşlanan ýörite ýumuşlary çözerler. Eger toparlar jogap bermekde kynçylyk çekseler, tomaşaçylar öz pikirlerini bildirip, oýna goşulyp bilerler. Ýeňijilere ýadygärlik sowgatlar, ähli gatnaşyjylara we tomaşaçylara bolsa höweslendiriji baýraklar garaşýar.
Guramaçylar bäsleşige gönüden-göni gatnaşmak üçin 20 adama, işjeň tomaşaçy we janköýer hökmünde bolsa 40 töweregi adama garaşýarlar. Ýazylmak üçin adyňyzy, familiýaňyzy, telefon numeriňizi, ýaşyňyzy we okaýan (ýa-da işleýän) ýeriňizi tebigatchy.jemg@gmail.com elektron poçtasyna ugratmagyňyz haýyş edilýär. Şunda, eger ýeňiş üçin bäsleşmek isleýän bolsaňyz, hatyň mowzugynda «Ozon – Uçastnik» (Ozon – Gatnaşyjy), eger zaldan gatnaşyjylary goldamak iseýän bolsaňyz «Ozon – Zritel» (Ozon – Tomaşaçy) diýip görkezmeli. Ýazylmak 2026-njy ýylyň 15-nji sentýabryna (sagat 17:00-a çenli) çenli açykdyr. Habarlaşmak üçin telefon belgileri: +993 (12) 37-46-78, +993 (64) 26-84-32.
Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar.
Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
