Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
Türkmenistanyň diplomatik edarasynyň saýtynda habar berlişi ýaly, çärä ýurtda ygtyýarlandyrylan diplomatik wekilhanalaryň ýolbaşçylary we işewür toparlaryň wekilleri gatnaşdylar.
Çäräniň dowamynda taraplar söwda-ykdysady hyzmatdaşlygyň geljegini we sebitleýin gatnaşyklary pugtalandyrmak meselelerini ara alyp maslahatlaşdylar.
Atajan Möwlamow öz çykyşynda Türkmenistanyň giň gerimli sebitleýin strategiýasyna aýratyn üns berdi. «Arkadagyň ak ýoly» bitewi üstaşyr-energetika geçelgesiniň döredilendigi hem-de TOPH gaz geçirijisi we TOP elektrik geçirijisi ýaly möhüm infrastruktura taslamalarynyň öňe ilerledilýändigi bellenildi.
Ilçi Serhetabat – Hyrat gaz geçirijisiniň böleginiň gurluşygyny şu ýyl tamamlamak meýilleşdirilýändigini habar berdi, bu bolsa 2027-nji ýylda türkmen gazyny Owganystana ibermäge başlamaga mümkinçilik berer we Pakistany hem öz içine alýan tutuş sebitiň energetika howpsuzlygyna hem-de ykdysady ösüşine ägirt uly goşant goşar.
Duşuga gatnaşyjylar şeýle çäreleriň işewür gatnaşyklary pugtalandyrmak we özara bähbitli bilelikdäki taslamalary durmuşa geçirmek üçin netijeli meýdança bolup hyzmat edýändigi barada bir pikire geldiler.
Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
