Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar. Şu ugurdaky işleriň çäklerinde, ýurdumyzyň «Türkmennebit» we «Türkmengaz» döwlet konsernleriniň wekilleri Hytaý Halk Respublikasyna iş saparynyň dowamynda, 17-nji sentýabrda Şanhaý şäherinde geçirilen «HUAWEI CONNECT 2026» halkara sergisine gatnaşdylar.
Halkara serginiň çäklerinde türkmen hünärmenleri emeli aň, bulut hasaplamalary, sanly ekizler, 3D modelirleme, akylly guýular hem-de önümçilik desgalaryna sanly gözegçilik ulgamlarynyň döwrebap mümkinçilikleri bilen ýakyndan tanyşdylar. Dünýäniň öňdebaryjy kompaniýalarynyň wekilleri nebitgaz pudagynda sanly teknologiýalary ulanmagyň netijeli tejribeleri we täze innowasion çözgütleri barada çykyş etdiler.
Mundan başga-da, Hytaýyň «Huawei», «CNPC» we «Sinopec» ýaly iri kompaniýalarynyň hünärmenleri emeli aňyň, ýokary öndürijilikli hasaplaýyş ulgamlarynyň we bulut tehnologiýalarynyň önümçilik işjeňligini ýokarlandyrmakdaky ähmiýeti barada giňişleýin maglumat berdiler. Serginiň dowamynda maglumat hem-de kiberhowpsuzlyk, täze nesil kompýuter ulgamlary, döwrebap aragatnaşyk tehnologiýalary we sanly ykdysadyýeti ösdürmegiň gelejegi boýunça netijeli pikir alyşmalar geçirildi.
Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
