Türkmenistan we SPE energetika pudagynda hyzmatdaşlygyň ugurlaryny işjeňleşdirýär
Aşgabatda 21–23-nji oktýabrda geçiriljek OGT – 2026 Halkara nebitgaz maslahatynyň çäklerinde Nebitçi inženerler jemgyýetiniň (SPE) wekilleri tarapyndan aýratyn tegelek stol geçiriler diýip, Turkmen Energy Forum habar berýär.
SPE-niň öňde duran duşuşygy pudagyň wekilleri bilen akademiki jemgyýetçiligiň arasynda tehniki tejribe alyşmak we gepleşik geçirmek üçin mümkinçilik berer.
SPE-niň wekilleri ýakynda Aşgabada saparyň barşynda energetika guramalary, halkara operatorlary we akademiki edaralar bilen gepleşikler geçirdiler.
9-njy oktýabrda geçirilen tehniki tegelek stolda hünär taýdan ösüş we bilim alyşmak meseleleri ara alnyp maslahatlaşyldy. Esasy ugurlar hökmünde ýetişen känleri özleşdirmek, gorizontal buraw, uglerody tutmak, ulanmak we saklamak (CCUS) hem-de emeli aňyň jogapkärçilikli ulanylyşy kesgitlendi.
2026–2027-nji ýyllar üçin teklip edilen ýol kartasyna webinarlar, seminarlar we talyplar üçin çärelerin täzeden başlanmagy girýär. Aşgabat 2027-nji ýylda SPE-niň ýyllyk Hazar tehniki konferensiýasyny we sergisini geçirmek üçin ýer hökmünde hem göz öňünde tutulýar.
Işjeň hünär aragatnaşyklarynyň ýola goýulmagy operatorlara we gözlegçilere amaly tejribe alyşmaga we tehnologiýalary taslamanyň zerurlyklaryna laýyklykda bahalandyrmaga kömek eder.
Hökümet mejlisinde ýangyç-energetika toplumynyň işiniň ýanwar-oktýabr aýlary boýunça jemleri jemlenildi
5-nji noýabrda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisde şu ýylyň on aýynda ýurdumyzda alnyp barlan işleriň jemleri jemlenildi. Bu barada TDH habar berýär.
Daşoguz welaýatynda azotly dökünleri öndürýän iri himiýa toplumy gurlar
4-nji noýabrda Türkmenistanyň Prezidenti Serdar Berdimuhamedowyň gatnaşmagynda Daşoguz welaýatynyň Garaşsyzlyk etrabynyň çäginde ýylda 350 müň tonna karbamid we 350 müň tonna ammiak selitra dökünlerini öndürjek täze toplumyň düýbüni tutmak dabarasy geçirildi diýip, TDH habar berýär.
Türkmenistanyň Prezidentiniň Daşoguz welaýatyndaky ÇYKYŞY
Türkmenistanyň Prezidenti Serdar Berdimuhamedowyň Daşoguz welaýatynda awtomobil ýolunyň, senagat kärhanalarynyň düýbüni tutmak, şeýle hem Balkan welaýatynda täze awtomobil ýolunyň açylyş dabaralaryndaky ÇYKYŞY.
Türkmenistanyň Prezidenti «Toyo Engineering Corporation» kompaniýasynyň ýolbaşçysy bilen ýangyç-energetika toplumynda hyzmatdaşlygy maslahatlaşdy
3-nji noýabrda Türkmenistanyň Prezidenti Serdar Berdimuhamedow ýurdumyza iş sapary bilen gelen «Toyo Engineering Corporation» kompaniýasynyň prezidenti, Baş ýerine ýetiriji direktory, wekilçilik müdiri Eiji Hosoini kabul etdi, diýip TDH habar berýär.
Türkmenistan Gazagystandan 11 müň tonna sepsiz oturtma turbalaryny satyn alar
Türkmenistanyň «Türkmennebit» döwlet konserni Gazagystanyň öňdebaryjy «KSP Steel» kompaniýasy bilen 11 müň tonna sepsiz oturtma turbalaryny satyn almak boýunça ylalaşyk gazandy. Bu barada Gazagystanyň «QazTrade» Söwda syýasatyny ösdürmek merkeziniň resmi saýtynda habar berilýär.
