Aşgabatda «Türkmenistanyň nebiti we gazy — 2026» halkara sergisi açyldy
Şu gün Türkmenistanyň Söwda-senagat edarasynda «Türkmenistanyň nebiti we gazy — 2026» halkara sergisi açyldy. Ol 23-nji oktýabra çenli dowam etjek OGT 2026 31-nji halkara maslahatynyň we sergisiniň çäklerinde geçirilýär.
Guramaçylaryň maglumatyna görä, «Energiýa. Hyzmatdaşlyk. Ösüş» şygary astynda geçirilýän foruma 75 ýurtdan 450 kompaniýa wekilçilik edýän 1700 wekil hasaba alyndy.
OGT 2026 sergi meýdançasy ýurdumyzyň nebitgaz pudagynyň esasy gazananlaryny we ösüşiniň geljegi uly ugurlaryny aýdyň görkezýär. Gatnaşyjylaryň ünsi täze uglewodorod känlerini özleşdirmekde, çig malyň çuň gaýtadan işlenilmeginde, degişli infrastrukturany döwrebaplaşdyrmakda we innowasion tehnologiki çözgütleri ornaşdyrmakda jemlenendir.
Forumyň hyzmatdaşlarynyň we hemaýatkärleriniň hatarynda SOCAR, Dragon Oil, CNPC, PETRONAS, SLB, Petrofac, Sinopec we Baker Hughes ýaly dünýä senagatynyň öňdebaryjy kompaniýalary bar.
Serginiň tehnologiki täzeligi A.L.I. (Artificial Learning Intelligence) atly Unitree G1 gumanoid roboty boldy. Ol häzirki zaman senagatynda emeli aňy we robot tehnikasyny ulanmagyň mümkinçiliklerini görkezdi.
Sergi bilen bir hatarda OGT 2026 maksatnamasynda konferensiýa sessiýalary, prezentasiýalar we iş duşuşyklary göz öňünde tutulýar. Maslahatlaşyklaryň merkezinde Türkmenistanyň ileri tutulýan nebitgaz taslamalary, maýa goýum hyzmatdaşlygy, sanlaşdyrma we metan zyňyndylaryny azaltmak durýar.
Günüň ikinji ýarymynda OGT 2026 halkara maslahaty öz işine başlar. Onda gaz pudagynyň ösüşi, Hazar sebitinde maýa goýumlary, sebit ulag birikdirijiligi, energetika howpsuzlygy we tehnologiki innowasiýalar meseleleri ara alnyp maslahatlaşylar.
Maslahat Türkmenistanyň we birnäçe daşary ýurtlaryň hökümet wekilleri, halkara energetika kompaniýalary, maýadarlar, şeýle hem nebitgaz pudagy üçin enjamlary we tehnologiýalary üpjün edijiler gatnaşarlar.
Maslahatyň maksatnamasy ägirt uly Galkynyş gaz käninde maýa goýum mümkinçiliklerine, Türkmenistan–Owganystan–Pakistan–Hindistan (TOPH) gaz geçirijisi taslamasyny durmuşa geçirmäge, deňiz känlerini özleşdirmäge, şeýle hem gazy gaýtadan işlemek, sanly tehnologiýalar we metan zyňyndylaryny azaltmak ugurlaryna bagyşlanýar.
Nebitgaz forumynyň guramaçylary bolup — «Türkmengaz», «Türkmennebit» döwlet konserleri we «Türkmengeologiýa» Döwlet korporasiýasy çykyş edýär.
Türkmenistan Er-Riýadda geçiriljek «Ekspo-2030» Bütindünýä sergisine gatnaşjakdygyny tassyklady
Türkmenistanyň Saud Arabystany Patyşalygyndaky ilçisi Muhammetgeldi Aýazowyň «Expo 2030 Riyadh» halkara gatnaşyjylar departamentiniň müdiri, Türkmenistanyň geljekki Bütindünýä sergisindäki ýurt menejeri Muhammed bin Garad bilen duşuşygynda «Ekspo-2030» Bütindünýä sergisine gatnaşmaga taýýarlyk meseleleri ara alnyp maslahatlaşyldy. Bu barada «Türkmenistan: Altyn asyr» neşiri habar berýär.
Türkmenistan Pakistanyň metbugat wekillerine energetika ulgamyndaky hyzmatdaşlygy barada gürrüň berdi
6-njy noýabrda Türkmenistanyň Pakistan Yslam Respublikasyndaky ilçihanasynyň binasynda Päkistanyň köpçülikleýin habar beriş serişdeleriniň wekilleri üçin brifing geçirildi.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
Nebitgaz toplumynda on aýyň jemlerine garaldy
6-njy noýabrda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi.
