BOTAŞ Hazarüsti gaz geçirijisi arkaly türkmen gazyny Türkiýä we Ýewropa ibermegi ýola goýmagy maksat edinýär
BOTAŞ kompaniýasy üçin türkmen gazyny Hazarüsti turba geçirijisi arkaly Türkiýä daşamak we soňra ony Ýewropa ibermek strategik maksat bolmagynda galýar. Muny 21-23-nji oktýabrda Aşgabatda geçirilýän «Türkmenistanyň nebiti we gazy 2026» maslahatynda çykyş eden BOTAŞ türk kompaniýasynyň Müdiriýetiniň başlygy we baş direktory Abdulwahit Fidan mälim etdi.
Türkmenistan bilen hyzmatdaşlygymyz üpjünçiligiň we söwdanyň giň ulgamynda aýratyn orun eýeleýär. Ýurtlarymyzyň arasyndaky dostluk we doganlyk gatnaşyklary energetika ulgamynda geljekki hyzmatdaşlyk üçin berk binýat bolup hyzmat edýär diýip, çykyş eden belledi.
«2025-nji ýylda türkmen gazynyň Türkiýä ugradylyp başlanmagy möhüm sepgit boldy. Biz muňa has giň möçberli hyzmatdaşlygyň başlangyç nokady hökmünde garaýarys. Indiki maksadymyz — bu üstünligi pugtalandyrmak we üpjünçilik ulgamynda uzak möhletleýin, durnukly gatnaşyklary ýola goýmakdyr» diýip, Fidan sözüniň üstüni ýetirdi.
Ol şu ýylyň iýun aýynda Aşgabatda Ykdysady hyzmatdaşlyk boýunça Hökümetara toparynyň dokuzynjy mejlisiniň geçirilendigini belledi. Duşuşygyň barşynda iki tarap hem energetika ulgamyndaky hyzmatdaşlygy pugtalandyrmaga ygrarlydyklaryny tassykladylar. Sebit energetika gatnaşyklaryny ösdürmek Türkiýäniň energetika syýasatynyň esasy ugurlarynyň biridir.
«Şu nukdaýnazardan, türkmen gazyny Hazarüsti turba geçirijisi arkaly Türkiýä daşamak we soňra türk çäginiň üsti bilen Ýewropa ibermek strategik maksat bolmagynda galýar» diýip, Fidan aýtdy.
Onuň sözlerine görä, Türkiýäniň tebigy gaz infrastrukturasynyň ösendigi we BOTAŞ kompaniýasynyň dürli bazarlara elýeterliliginiň bolmagy bu maksady amala aşyrmak üçin uly mümkinçilikleri döredýär. Bu mümkinçilikleri hakyky taslamalara öwürmek üçin öndürijiler, daşaýjylar we alyjylar tehniki hem-de täjirçilik meseleleri boýunça özara düşünişmäge ýetmeli. Ähli gyzyklanma bildirýän taraplaryň hyzmatdaşlygy çözüji ähmiýete eýe bolar.
«BOTAŞ bu işi goldamaga taýýardyr. Biz tebigy gazy üpjün etmek, daşamak we söwdasyny etmek babatdaky tejribämizi türkmen hyzmatdaşlary we prosesiň beýleki ähli gatnaşyjylary bilen hyzmatdaşlyga getireris. Umumy maksatlarymyzyň anyk taslamalara öwrülmeginiň ýurtlarymyzyň arasyndaky energetika hyzmatdaşlygyna täze itergi berjekdigine ynanýarys» diýip, türk kompaniýasynyň ýolbaşçysy nygtady.
«Hyzmatdaşlygymyz türkmen tebigy gazy üçin täze bazarlary — ilki Türkiýede, soňra bolsa Türkiýäniň üsti bilen Ýewropada-da açar. Bu biziň halklarymyza uzak möhletleýin peýda getirer we tutuş sebitimizde parahatçylyga hem-de durnuklylyga ýardam eder» diýip, Abdulwahit Fidan belledi.
Gahryman Arkadag: Türkmenistan ekologiýa taýdan arassa tehnologiýalary giňden ornaşdyrmagy ugur edinýär
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 11-nji noýabrda Antalýada Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 31-nji maslahatynyň (COP31) Liderler sammitiniň plenar mejlisinde çykyş etdi.
Türkmenistan Er-Riýadda geçiriljek «Ekspo-2030» Bütindünýä sergisine gatnaşjakdygyny tassyklady
Türkmenistanyň Saud Arabystany Patyşalygyndaky ilçisi Muhammetgeldi Aýazowyň «Expo 2030 Riyadh» halkara gatnaşyjylar departamentiniň müdiri, Türkmenistanyň geljekki Bütindünýä sergisindäki ýurt menejeri Muhammed bin Garad bilen duşuşygynda «Ekspo-2030» Bütindünýä sergisine gatnaşmaga taýýarlyk meseleleri ara alnyp maslahatlaşyldy. Bu barada «Türkmenistan: Altyn asyr» neşiri habar berýär.
Türkmenistan Pakistanyň metbugat wekillerine energetika ulgamyndaky hyzmatdaşlygy barada gürrüň berdi
6-njy noýabrda Türkmenistanyň Pakistan Yslam Respublikasyndaky ilçihanasynyň binasynda Päkistanyň köpçülikleýin habar beriş serişdeleriniň wekilleri üçin brifing geçirildi.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
