OGT 2026 forumynyň çäklerinde daşary ýurt kompaniýalary bilen hyzmatdaşlyk baradaky resminamalara gol çekildi
Aşgabatda geçirilýän «Türkmenistanyň nebiti we gazy» halkara maslahatynyň (OGT 2026) çäklerinde 22-nji oktýabrda Türkmenistanyň döwlet konsernleri bilen halkara hyzmatdaşlaryň arasynda hyzmatdaşlyk baradaky resminamalara gol çekmek dabarasy boldy.
Hususan-da, Hytaýdan, Malaýziýadan, Özbegistandan we Gazagystandan bolan hyzmatdaşlar bilen bäş sany ikitaraplaýyn resminama, şol sanda iki sany düşünişmek hakynda Ähtnama we üç şertnama gol çekildi.
«Türkmennebit» döwlet konserni bilen Hytaýyň Milli deňiz nebit korporasiýasynyň (CNOOC) arasynda Hazar deňziniň türkmen böleginde hyzmatdaşlyk etmek barada Düşünişmek hakynda Ähtnama gol çekildi.
«Türkmennebit» DK bilen Malaýziýanyň Nebit serişdeleri korporasiýasynyň (MPRC) arasynda nebitgaz hyzmatlary we enjamlary pudagynda hyzmatdaşlygy öz içine alýan aýratyn düşünişmek hakynda Ähtnama gol çekildi.
«Türkmennebit» DK şeýle hem dürli görnüşli turbalary satyn almak boýunça iki şertnama gol çekdi. Birinji şertnama hytaýly «TENERGY TIANJIN CO., LTD» kompaniýasy bilen, ikinji şertnama bolsa gazak «KSP Steel» kompaniýasy bilen baglaşyldy.
«Türkmengaz» döwlet konserni «Galperin adyndaky Daşkent turba zawody» özbek kärhanasy bilen dürli görnüşli turbalary satyn almak barada şertnama gol çekdi.
Gol çekilen ylalaşyklara teswir berip, daşary ýurtly hyzmatdaşlar Aşgabatdaky nebitgaz maslahatynyň we sergisiniň ýokary derejede guralandygyny, şeýle hem Türkmenistan bilen uzak möhletleýin hyzmatdaşlygyň strategik häsiýete eýedigini bellediler.
Malaýziýanyň Nebit serişdeleri korporasiýasynyň (MPRC) Prezidenti we Baş ýerine ýetiriji direktory Mohd Ýazid Jafar şeýle belledi: «Bu ylalaşyk we gazanylan özara düşünişmeklik üçin sag boluň. Biz «Türkmennebit» konserni we Türkmenistanyň beýleki konsernleri bilen nebitgaz pudagyny ösdürmekde bilelikde işlemegi umyt edýäris. Biz dürli ugurlarda, şol sanda akylly tehnologiýalar ugrunda, şeýle hem nebitgaz pudagyny netijeli ösdürmäge gönükdirilen wezipeler ugrunda özara bähbitli peýda getirip biljekdigimize ynanýarys».
«KSP Steel» kompaniýasynyň (Gazagystan) täjirçilik direktory Baurjan Kojabekow belledi: «Biziň üçin Türkmenistan ýaly goňşy ýurtlar bilen hyzmatdaşlyk gaty möhüm. Türkmen tarapyna ynam bildirenleri we 4 ýyldan bäri dowam edip gelýän netijeli hyzmatdaşlygy üçin minnetdarlyk bildirýäris».
Gahryman Arkadag: Türkmenistan ekologiýa taýdan arassa tehnologiýalary giňden ornaşdyrmagy ugur edinýär
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 11-nji noýabrda Antalýada Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 31-nji maslahatynyň (COP31) Liderler sammitiniň plenar mejlisinde çykyş etdi.
Türkmenistan Er-Riýadda geçiriljek «Ekspo-2030» Bütindünýä sergisine gatnaşjakdygyny tassyklady
Türkmenistanyň Saud Arabystany Patyşalygyndaky ilçisi Muhammetgeldi Aýazowyň «Expo 2030 Riyadh» halkara gatnaşyjylar departamentiniň müdiri, Türkmenistanyň geljekki Bütindünýä sergisindäki ýurt menejeri Muhammed bin Garad bilen duşuşygynda «Ekspo-2030» Bütindünýä sergisine gatnaşmaga taýýarlyk meseleleri ara alnyp maslahatlaşyldy. Bu barada «Türkmenistan: Altyn asyr» neşiri habar berýär.
Türkmenistan Pakistanyň metbugat wekillerine energetika ulgamyndaky hyzmatdaşlygy barada gürrüň berdi
6-njy noýabrda Türkmenistanyň Pakistan Yslam Respublikasyndaky ilçihanasynyň binasynda Päkistanyň köpçülikleýin habar beriş serişdeleriniň wekilleri üçin brifing geçirildi.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
