Türkmenistanyň Prezidenti “Türkmengaz” döwlet konserniniň maddy-enjamlaýyn binýadyny döwrebaplaşdyrmak barada Karara gol çekdi
Türkmenistanyň Prezidenti 23-nji oktýabrda “Türkmengaz” döwlet konserniniň maddy-enjamlaýyn binýadyny hemmetaraplaýyn täzelemäge we pugtalandyrmaga gönükdirilen Karara gol çekdi.
Resminama milli ykdysadyýetiň esasy pudagynyň mundan beýläk-de durnukly ösüşini üpjün etmäge, gaz çykarýan we gaýtadan işleýän kärhanalaryň işiniň netijeliligini ýokarlandyrmaga niýetlenendir.
Bu resminama gol çekilmegi önümçilik kuwwatlyklaryny giň gerimde döwrebaplaşdyrmagy, tebigy gazy gözlemek, çykarmak we daşamak ugurlarynda innowasion tehnologiýalary we öňdebaryjy enjamlary ornaşdyrmagy göz öňünde tutýar.
Bellenilen çäreleriň durmuşa geçirilmegi ýurdumyzyň energetika pudagynyň kuwwatyny artdyrmak bilen çäklenmän, ekologiýa taýdan arassa ýangyjyň içerki bazara hem-de halkara eksport ugurlary boýunça üpjünçiliginiň ygtybarlylygyny pugtalandyrmaga mümkinçilik berer.
Konsern kärhanalarynyň ulgamlaýyn tehniki taýdan täzeden enjamlaşdyrylmagy ýurdumyzyň baý uglewodorod serişdelerini netijeli özleşdirmekde, tehnologik prosesleri optimallaşdyrmakda we Türkmenistanyň nebitgaz toplumynyň ýokary ekologiýa howpsuzlygyny üpjün etmekde möhüm ädim bolar diýip, THP habar berýär.
Gahryman Arkadag: Türkmenistan ekologiýa taýdan arassa tehnologiýalary giňden ornaşdyrmagy ugur edinýär
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 11-nji noýabrda Antalýada Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 31-nji maslahatynyň (COP31) Liderler sammitiniň plenar mejlisinde çykyş etdi.
Türkmenistan Er-Riýadda geçiriljek «Ekspo-2030» Bütindünýä sergisine gatnaşjakdygyny tassyklady
Türkmenistanyň Saud Arabystany Patyşalygyndaky ilçisi Muhammetgeldi Aýazowyň «Expo 2030 Riyadh» halkara gatnaşyjylar departamentiniň müdiri, Türkmenistanyň geljekki Bütindünýä sergisindäki ýurt menejeri Muhammed bin Garad bilen duşuşygynda «Ekspo-2030» Bütindünýä sergisine gatnaşmaga taýýarlyk meseleleri ara alnyp maslahatlaşyldy. Bu barada «Türkmenistan: Altyn asyr» neşiri habar berýär.
Türkmenistan Pakistanyň metbugat wekillerine energetika ulgamyndaky hyzmatdaşlygy barada gürrüň berdi
6-njy noýabrda Türkmenistanyň Pakistan Yslam Respublikasyndaky ilçihanasynyň binasynda Päkistanyň köpçülikleýin habar beriş serişdeleriniň wekilleri üçin brifing geçirildi.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
