OGT 2026 nebitgaz forumy halkara energetika hyzmatdaşlygyna täze itergi berdi
23-nji oktýabrda Aşgabatda geçirilen “Türkmenistanyň nebiti we gazy” 31-nji halkara maslahatyň we serginiň (OGT 2026) üçünji we jemleýji gününde forumyň üç günlük maksatnamasy tamamlandy.
OGT 2026-nyň jemleýji tehniki mejlisinde Türkmenistanyň döwlet düzümleriniň, halkara guramalaryň wekilleri we energetika pudagynyň hünärmenleri metan zyňyndylaryny azaltmak, energiýa netijeliligi we energetikanyň durnukly ösüşi meselelerini ara alyp maslahatlaşdylar.
Hünärmenler topary metan zyňyndylaryny azaltmak, ekologiýa görkezijilerini gowulandyrmak, energiýa serişdelerinden netijeli peýdalanmaga ýardam bermek ugurlarynda halkara hyzmatdaşlygy, şeýle hem tebigy gazyň deňagramly we durnukly energetika geljegini üpjün etmekdäki roluny ara aldy.
Maslahatlaşyk wagtynda energetikanyň durnukly ösüşini goldamak üçin halkara hyzmatdaşlygynyň, ekologiýa jogapkärçiliginiň we energiýa netijeliliginiň ähmiýeti nygtaldy.
Jemleýji günde Türkmenistan bilen Malaýziýanyň arasynda energetika hyzmatdaşlygy boýunça aýratyn tegelek stol hem geçirildi.
Soňra OGT 2026 forumynyň işine goşan ägirt uly goşandy we halkara energetika pudagynyň wekilleriniň gatnaşygy üçin sylaglary gowşurmak dabarasy geçirildi.
Resmi ýapylyş dabarasynyň çäklerinde “Türkmenistanyň nebiti we gazy 2026” atly halkara maslahatyň we sergiň gatnaşyjylarynyň Türkmenistanyň Prezidenti Serdar Berdimuhamedowyň adyna Ýüzlenme kabul edildi.
OGT 2026 forumy ýapylandan soň, Türkmenistanyň Söwda-senagat edarasynda metbugat maslahaty geçirildi. Ol forumyň esasy temalaryny jemlemäge we onuň halkara energetika hyzmatdaşlygyny ösdürmekdäki roluny bahalandyrmaga mümkinçilik berdi, diýip, Turkmen Energy Forum habar berýär.
Gahryman Arkadag: Türkmenistan ekologiýa taýdan arassa tehnologiýalary giňden ornaşdyrmagy ugur edinýär
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 11-nji noýabrda Antalýada Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 31-nji maslahatynyň (COP31) Liderler sammitiniň plenar mejlisinde çykyş etdi.
Türkmenistan Er-Riýadda geçiriljek «Ekspo-2030» Bütindünýä sergisine gatnaşjakdygyny tassyklady
Türkmenistanyň Saud Arabystany Patyşalygyndaky ilçisi Muhammetgeldi Aýazowyň «Expo 2030 Riyadh» halkara gatnaşyjylar departamentiniň müdiri, Türkmenistanyň geljekki Bütindünýä sergisindäki ýurt menejeri Muhammed bin Garad bilen duşuşygynda «Ekspo-2030» Bütindünýä sergisine gatnaşmaga taýýarlyk meseleleri ara alnyp maslahatlaşyldy. Bu barada «Türkmenistan: Altyn asyr» neşiri habar berýär.
Türkmenistan Pakistanyň metbugat wekillerine energetika ulgamyndaky hyzmatdaşlygy barada gürrüň berdi
6-njy noýabrda Türkmenistanyň Pakistan Yslam Respublikasyndaky ilçihanasynyň binasynda Päkistanyň köpçülikleýin habar beriş serişdeleriniň wekilleri üçin brifing geçirildi.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
