“Kinodünýäsiniň syrlary” atly bäsleşiginiň ýeňijisi belli boldy
Berkarar döwletiň täze eýýamynyň Galkynyşy döwründe milli sungatymyzy galkyndyrmak, ýaşlaryň zehinini ýüze çykarmak hem-de olary beýik özgerdişleriň ruhunda terbiýelemek boýunça giň mümkinçilikler döredilýär. Aşgabat şäheriniň we welaýatlaryň sazçylyk mekdepleriniň gatnaşmagynda guralan “Kinodünýäsiniň syrlary” atly bäsleşik hem bu aladalaryň aýdyň miwesine öwrüldi.
2026-njy ýylyň 21-nji oktýabrynda Maýa Kulyýewa adyndaky Türkmen milli konserwatoriýasynyň kiçi zalynda “Estrada sungaty” kafedrasynyň hepdeliginiň çäklerinde milli kinolarymyza we olaryň ajap saz dünýäsine bagyşlanan şowhunly çäre geçirildi. Kafedra müdiri, uly mugallym Maýsa Mämmetjumaýewanyň guramaçylygynda ilkinji gezek geçirilen bu bäsleşik ýokary guramaçylyk derejesi we ýokary ruhubelentligi bilen tapawutlandy.
Bäsleşige milli saz bilimi edaralarynyň zehinli talyplary gatnaşdy:
• Sahydöwlet Saparow — Maýa Kulyýewa adyndaky Türkmen milli konserwatoriýasynyň “Estrada sungaty” kafedrasynyň 5-nji ýyl talyby;
• Işanýaz Agaýew — Ahal welaýat Ýörite sazçylyk sungat mekdebiniň “Saz mugallymy” bölüminiň 2-nji ýyl talyby;
• Gurbandurdy Nepesow — Sahy Jepbarow adyndaky Arkadag şäher ýörite sazçylyk mekdebiniň “Fortepiano” bölüminiň 3-nji ýyl talyby.
Milli kinolarymyz boýunça taýýarlanan 5 kynçylykly tapgyrdan ybarat bolan bäsleşikde gatnaşyjylar ekrandaky kadrlar, ses ýazgylary we ýatkeşlik testleri boýunça öz bilimlerini synadylar. Çäräniň iň gyzykly pursatlarynyň biri Türkmen kinosynyň altyn hazynasy bolan “Aşyr aganyň hötjetligi” kinofilmi boýunça berlen soraglar boldy.
Dartgynly we çekeleşikli geçen 5-nji tapgyryň netijesinde 15 sany film kadryny ýatda saklap aýtmak şertinde ýokary ýatkeşlik we ünsli görkezip, iň ýokary baly toplan Gurbandurdy Nepesow (Sahy Jepbarow adyndaky Arkadag şäher ýörite sazçylyk mekdebiniň talyby) bäsleşigiň 1-nji ýerini eýeledi hem-de esasy ýeňijisi diýlip yglan edildi.
Gatnaşyjylar we tomaşaçylar milli medeniýetimizi we sungatymyzy täze belentliklere göterýän, ýaşlaryň zehinini artderýan, şeýle unudylmaz çäreleri geçirmäge giň mümkinçilikleri döredip berýän Türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza çuňňur sagbolsun aýtdylar.
Leýla Serdarowa,
Maýa Kulyýewa adyndaky Türkmen milli konserwatoriýasynyň “Estrada sungaty” kafedrasynyň mugallymy.
Gahryman Arkadag: Türkmenistan ekologiýa taýdan arassa tehnologiýalary giňden ornaşdyrmagy ugur edinýär
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 11-nji noýabrda Antalýada Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 31-nji maslahatynyň (COP31) Liderler sammitiniň plenar mejlisinde çykyş etdi.
Türkmenistan Er-Riýadda geçiriljek «Ekspo-2030» Bütindünýä sergisine gatnaşjakdygyny tassyklady
Türkmenistanyň Saud Arabystany Patyşalygyndaky ilçisi Muhammetgeldi Aýazowyň «Expo 2030 Riyadh» halkara gatnaşyjylar departamentiniň müdiri, Türkmenistanyň geljekki Bütindünýä sergisindäki ýurt menejeri Muhammed bin Garad bilen duşuşygynda «Ekspo-2030» Bütindünýä sergisine gatnaşmaga taýýarlyk meseleleri ara alnyp maslahatlaşyldy. Bu barada «Türkmenistan: Altyn asyr» neşiri habar berýär.
Türkmenistan Pakistanyň metbugat wekillerine energetika ulgamyndaky hyzmatdaşlygy barada gürrüň berdi
6-njy noýabrda Türkmenistanyň Pakistan Yslam Respublikasyndaky ilçihanasynyň binasynda Päkistanyň köpçülikleýin habar beriş serişdeleriniň wekilleri üçin brifing geçirildi.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
