Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Iki ýurduň döwlet düzümleriniň we işewür toparlarynyň wekilleri söwda-ykdysady hyzmatdaşlygyň geljegini we bilelikdäki taslamalaryň durmuşa geçirilişini ara alyp maslahatlaşýarlar.
Iş maksatnamasyna tematiki mejlisler we B2G görnüşindäki ikitaraplaýyn gepleşikler girýär. Hytaý kompaniýalary "Türkmengaz", "Türkmennebit" we "Türkmenhimiýa" döwlet konsernleriniň, degişli ministrlikleriň, edaralaryň we Türkmenistanyň bank pudagynyň wekilleri bilen duşuşyklary geçirýärler.
Gün tertibiniň aýratyn meseleleri – suw tygşytlaýjy tehnologiýalary ornaşdyrmak, oba hojalyk tehnikalaryny getirmek, agrar pudagyny maliýeleşdirmek we iýmit önümleriniň hilini hem-de howpsuzlygyny ýokarlandyrmak boldy.
Forumda hytaýyň energetika, inženerçilik, maliýe, dokma we logistika kompaniýalarynyň wekilleri gatnaşýarlar. Taraplar şeýle hem demir ýol ulagy, suw hojalygy we senagat önümçiligi ugurlarynda hyzmatdaşlygyň mümkinçiliklerini ara alyp maslahatlaşýarlar.
Forumyň maksatnamasynda maýa goýum taslamalarynyň çykyşlary, hyzmatdaşlyk resminamalaryna gol çekmek we syýahatçylyk pudagynda özara hereketleriň geljegini ara alyp maslahatlaşmak göz öňünde tutulýar.
Forum hytaýyň önümçilik kärhanalaryna baryp görmek bilen tamamlanar. Türkmen wekiliýeti döwrebap önümçilikleriň işi bilen we täze tehnologiýalary ornaşdyrmagyň tejribesi bilen tanşar diýip, Türkmenistanyň Halkara habarlar merkezi (THP) habar berýär.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
Nebitgaz toplumynda on aýyň jemlerine garaldy
6-njy noýabrda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi.
Hökümet mejlisinde ýangyç-energetika toplumynyň işiniň ýanwar-oktýabr aýlary boýunça jemleri jemlenildi
5-nji noýabrda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisde şu ýylyň on aýynda ýurdumyzda alnyp barlan işleriň jemleri jemlenildi. Bu barada TDH habar berýär.
Daşoguz welaýatynda azotly dökünleri öndürýän iri himiýa toplumy gurlar
4-nji noýabrda Türkmenistanyň Prezidenti Serdar Berdimuhamedowyň gatnaşmagynda Daşoguz welaýatynyň Garaşsyzlyk etrabynyň çäginde ýylda 350 müň tonna karbamid we 350 müň tonna ammiak selitra dökünlerini öndürjek täze toplumyň düýbüni tutmak dabarasy geçirildi diýip, TDH habar berýär.
Türkmenistanyň Prezidentiniň Daşoguz welaýatyndaky ÇYKYŞY
Türkmenistanyň Prezidenti Serdar Berdimuhamedowyň Daşoguz welaýatynda awtomobil ýolunyň, senagat kärhanalarynyň düýbüni tutmak, şeýle hem Balkan welaýatynda täze awtomobil ýolunyň açylyş dabaralaryndaky ÇYKYŞY.
