Eýran Türkmenistandan alnan gaz üçin bergisini üzmegi meýilleşdirýär — EYR-nyň nebit ministri
Eýran Yslam Respublikasy Türkmenistana bolan tebigy gaz bergisini üzmegi meýilleşdirýär diýip, EYR-niň nebit ministri Jawad Owji aýtdy. Bu barada Shana eýran habarlar agentligi habar berýär. Bu barada Owji Türkmenistanyň Ministrler Kabinetiniň Başlygynyň orunbasary, daşary işler ministri bilen geçiren duşuşygyndan soňra habarçylara beren beýanatynda belläp geçdi.
Owji Eýranyň ozal Türkmenistandan 2 ylalaşyk esasynda her gün 40 million kubmetr tebigy gaz satyn alandgyny belledi.
Ministriň şeýle hem belleýşi ýaly, türkmen gazynyň Eýrana eksporty ýurduň ozalky Hökümeti wagtynda alnan gaz üçin Türkmenistana töleg edilmänligi sebäpli bes edildi. Şonuň üçin hem bu mesele Halkara arbitra kazyýete geçirildi, kazyýet Eýranyň bergisiniň anyk möçberini kesgitledi.
Owji Türkmenistanyň daşary işler ministri we ýokary derejeli wekiliýet bilen bolan gepleşiklere ýokary baha berdi.
Owji Eýranyň Türkmenistana bolan bergisini üzmek babatda gepleşikleriň geçirilendigini we ýurduň häzirki Prezidenti Ebrahim Raisiniň hökümetiniň bu bergini üzmek boýunça degişli karara gelendigini belledi.
– Türkmenistan bilen Eýranyň arasynda Eýranyň milli gaz kompaniýasy hem-de Merkezi bankynyň hünärmenleriniň derejesinde ýakyn wagtda gepleşikler dowam etdiriler. Türkmen tarapynyň bergisini düzgünleşdirmek boýunça oňyn çözgütler kabul ediler – diýip, ministr belledi.
Nebit ministri Eýrana türkmen gazynyň eksportynyň gaýtadan dikeldilmegi iki ýurduň arasyndaky gatnaşyklary has-da ösdürmeklige itergi biljekdigini hem-de Eýranyň hökümetiniň syýasatynyň maksady goňşy döwletler, şol sanda Türkmenistan bilen ikitaraplaýyn hyzmatdaşlygy giňeltmekden ybaratdygyny aýtdy.
Onuň aýtmagyna görä, geçirilen duşuşygyň esasy maksady — dostlukly hem doganlyk Türkmenistan bilen gatnaşyklary berkitmek bolup durýar.
Belläp geçsek, Türkmenistanyň Prezidenti Gurbanguly Berdimuhamedow we Eýranyň Prezidenti Ebrahim Raisi 2021-nji ýylyň 17-nji sentýabrynda Täjigistanyň paýtagtynda ŞHG-niň döwlet Baştutanlarynyň Geňeşiniň mejlisiniň çäklerinde geçiren duşuşygynda gaz meselesini çözmegi ylalaşdylar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
