OPEC-iň täze Baş sekretary wezipesine Kuweýtiň wekili Heýsam al-Gaisi saýlanyp biler
Dekabr aýynda OPEC-iň ministrleriniň duşuşygynda 2022-nji ýylyň 1-nji awgustyndan OPEC-iň baş sekretary wezipesine bellemek üçin Kuweýtiň wekili Heýsam al-Gaisiniň dalaşgärligi maslahatlaşylar diýip, Kuweýtiň nebit we ýokary bilim ministri Muhammed Abdel Latif al-Fares Abu-Dabidäki ADIPEC-2021 Halkara nebitgaz sergisiniň çäklerinde žurnalistlere habar berdi.
«Hawa, bu mesele gün tertipde bar» diýip, ol TASS-yň wekiliniň degişli soragyna jogap berdi. Al-Fares şeýle hem guramada başga adamlaryň dalaşgärligini hem gözden geçirýändiklerini belledi, emma olaryň adyny mälim etmedi.
2016-njy ýylyň awgustyndan bäri OPEC-iň baş sekretary wezipesini 62 ýaşly nigeriýaly syýasatşynas Mohammed Sanusi Barkindo eýeläp gelýär, ol 1986-njy ýyldan bäri OPEC bilen Nigeriýanyň wekili hökmünde işleşip gelýärdi. Onuň wezipe ygtyýarlyklary 2022-nji ýylyň iýul aýynyň ahyrynda tamamlanýar. OPEC-iň düzgünnamasyna görä, baş sekretar bir gezek gaýtadan saýlanmak mümkinçiligi bilen, üç ýyl möhlete saýlanyp bilinýär.
TASS-yň bellemegine görä, Al-Gais 2017-nji ýyldan 2021-nji ýyl aralygynda Kuweýtiň OPEC-däki wekiliýetine ýolbaşçylyk etdi. Ol OPEC+ ýurtlarynyň «hyzmatdaşlyk hakynda jarnamasynyň durmuşa geçirilmeginde wajyp orun eýeledi», aýratyn hem «ylalaşygyň işiniň esasy gurallary işlenilip başlanda» 2017-nji ýylda bu aýratyn hem ähmiýetli boldy. Al-Gais Koliforniýadaky San-Fransisko uniwersitetini syýasatşynas ugry boýunça tamamlady we nebit kompaniýalarynda hem-de Kuweýtiň DIM-inde işledi.
OPEC ministrleriniň duşuşygy 2021-nji ýylyň 1-nji dekabrynda geçiriler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
