Gaz senagatyndaky hyzmatdaşlygy pugtalandyrmakda möhüm meseleler ara alnyp maslahatlaşyldy
Geçen anna güni Döwlet ministri — «Türkmengaz» döwlet konserniniň başlygy Batyr Amanowyň we HHR-iň energetika boýunça döwlet müdirliginiň başlygy Çžan Szýanhuwanyň ýolbaşçylygynda ýangyç-energetika pudagynda hyzmatdaşlyk etmek boýunça Türkmen-hytaý hökümetara topary bilen onlaýn maslahaty geçirildi. Duşuşyga iki dostlukly döwletiň ýangyç-energetika toplumynyň jogapkär işgärleri gatnaşdy.
Hytaý Halk Respublikasy Garaşsyz, hemişelik Bitarap Türkmenistanyň nebitgaz senagatynda iň ýakyn hyzmatdaşlarynyň biridir. Özüniň ykdysady kuwwaty boýunça dünýäde öňdäki orunlary eýeleýän HHR bilen ikitaraplaýyn gatnaşyklar hormatly Prezidentimiziň başlangyçlary bilen gurlan Türkmenistan — Hytaý halkara gaz geçirijisi ulanylmaga berlenden soň has-da ýokary derejä göterildi. Soňky döwürde bu döwlete «mawy ýangyjyň» akdyrylyşy ep-esli ýokarlandy. Bu babatda «Türkmenistan — parahatçylygyň we ynanyşmagyň Watany» ýylynda gazanylan ýokary netijeler aýratyn bellenmäge mynasypdyr. Häzirki wagtda hem «Bagtyýarlyk» şertnamalaýyn çäkde gaz işleri batly deginlerde dowam edýär. Üstümizdäki ýylyň başynda «Malaý» gaz gysyjy desgasynyň ulanylmaga berilmegi bolsa tebigy gazyň akdyrylyş kuwwatyny artdyrmak bilen, alnyp barylýan işleriň depgininiň ýokarlanmagyna getirdi.
Geçirilen onlaýn maslahatynda geljekde hem ýangyç-energetika pudagynda alnyp barylýan işleri işjeňleşdirmek, hususan-da, tebigy gazyň iberilişini artdyrmak, 2021-nji ýylyň maý aýynda Türkmenistanyň we Hytaýyň döwlet Baştutanlarynyň nebitgaz pudagynda hyzmatdaşlygy ösdürmek bilen bagly telefon arkaly söhbetdeşliginde gazanylan ylalaşyklaryň durmuşa geçirilişi, Türkmenistanyň nebitgaz toplumynda gazhimiýa senagatyny ösdürmek barada pikir alşyldy.
Taraplar Türkmenistanyň gaz ýataklaryny özleşdirmek we onuň geljegi, gazylyp alynýan peýdaly magdanlary artdyrmakda öňde duran wezipeler, gaz işlerinde täze mümkinçilikler, geljegi uly iri taslamalara maýa goýumlaryny çekmek hakynda giňişleýin durup geçdiler.
Häzirki döwürde ekologiýa meseleleri bütin dünýäde has işjeň seslenmä eýe bolýar. Şonuň bilen baglylykda energiýanyň gaýtadan dikeldilýän görnüşlerine uly üns berilýär. Hormatly Prezidentimiziň energetika syýasatynda gaýtadan dikeldilýän energiýa çeşmeleri ileri tutulýan ugurlaryň biridir. Bu ugurda maksatnamalaýyn işler durmuşa geçirilýär. Ýokary derejede geçirilen onlaýyn duşuşygynyň gün terdibinde bu meselä hem giň orun berildi.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
