«Galkynyşnebit» nebitgazçykaryş müdirliginiň işgärleri 11 aýda 49,8 müň tonnadan gowrak nebit çykardylar
«Türkmennebit» döwlet konserniniň «Galkynyşnebit» nebitgazçykaryş müdirliginiň nebitçileri öňdebaryjy we innowasion enjamlarynyň ornaşdyrylmagy netijesinde Çeleken ýarymadasynyň ýataklaryny özleşdirmek işlerinde hil taýdan täze derejä çykdylar. Bu ýarymadanyň ýerastynda uglewodorod çig malynyň baý ýataklary bar.
2021-nji ýylyň 11 aýynda müdirlik boýunça hereket edýän guýulardan çykarylan «gara altynyň» möçberi 49 müň 883 tonna barabar boldy. Bellenilen meýilnamadan 4 müň tonna çig mal artyk çykaryldy.
Dagajyk meýdançasynda ýerleşen pes öndürijilikli guýuda burawçylaryň tagallalary bilen guýynyň öndürijiligini artdyrmak boýunça işleriň birnäçesi ýerine ýetirildi, netijede artykmaç nebit akymy alyndy. Häzirki wagtda guýynyň gündelik öndürijiligi 25 tonna barabardyr.
«Nebitdag» buraw müdirliginiň hünärmenleri tarapyndan 1 müň 200 metr çuňlukda nobatdaky guýuda buraw işleri üstünlikli geçirildi we tamamlandy. Ulanyşa girizilen № 654 täze guýynyň gündelik öndürijiligi 6 müň tonna çig maldan gowrak boldy.
Şu günlerde «Goturdepe» buraw işleri müdirliginiň hünärmenleri Günbatar Çeleken meýdançasynda ýerleşen № 707 guýusynda gözleg işlerine girişmäge taýýarlyk görýärler. BU ýerden hem nebitiň goşmaça akymyny almak meýilleşdirilýär. Bu hem geljekde «Galkynyşnebit» nebitgazçykaryş müdirliginiň önümçilik görkezijileriniň düýpli ýokarlanmagyna getirer. Kärhanada öndürijilikli guýularyň her biriniň berk tehniki gözegçiligi amala aşyrylýar.
Geologlaryň bahalandyrmasyna görä, Çeleken ýarymadasynyň ýerastynda «gara altynyň» düýpli gorlary bar. Guýulary işläp taýýarlamak işi 1200-2750 metr taslama çuňlugynda amala aşyrylýar. Şeýle hem nebit öndürijiligi artdyrmak maksady bilen pes öndürijilikli guýularyň çäginde 50-100 kub metr göwrümli çanlar oturdyldy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
