Türkmenistan Özbegistana benzin ibermek boýunça öňdäki üçlükde
Özbegistan 2021-nji ýylyň ýanwar-noýabr aýlarynda Türkmenistandan 141,2 mln litr awtomobil benzinini import etdi. Bu barada Özbegistanyň Statistika baradaky döwlet komiteti habar berýär. Şeýlelikde, goňşy ýurtda awtobenzin eksport etmek boýunça Türkmenistan ikinji orny eýeleýär.
Bu babatda birinji orunda geçen ýylyň ýanwar-noýabr aýlarynda Özbegistana 145,3 mln litr benzin iberen russiýaly öndürijiler ýerleşýär. Üçünji orunda 16 mln litr benzin eksport eden Gazagystan ýerleşýär.
Özbegistana benzin eksport edijileriň bäşligine şeýle hem Yrak (3,6 mln litr) we Eýran (1,8 mln litr) girýär.
Belläp geçsek, Türkmenistanda benziniň dürli kysymlarynyň önümçiligi Türkmenbaşynyň nebiti gaýtadan işleýän zawodlar toplumynda, şeýle hem Ahal welaýatyndaky täze zawodda amala aşyrylýar. Şol bir wagtda ekologiýa taýdan arassa ýangyç Daniýanyň «Haldor Topsoe» kompaniýasynyň tehnologiýalary esasynda taýýarlanylýar.
2019-njy ýylyň iýun aýynda işe girizilen zawod «Türkmengaz» DK-nyň ýaponlaryň «Kawasaki Heavy Industries» we türkleriň «Rönesans» holdinginiň konsorsiumy bilen şertnamasy esasynda guruldy. Zawod her ýylda ECO-93 benzininiň 600 müň tonnasyny öndürmäge ukyply. Geljekde bu gazhimiýa toplumynda desganyň ikinji tapgyryny gurmak meýilleşdirilýär. Bu bolsa önümçilik mümkinçiliklerini düýpli ýokarlandyrar. Netijede bolsa, ýurduň nebitgaz toplumynyň eksporty artar.
Häzirki wagtda Türkmenistan nebit önümlerini Döwlet haryt-çig mal biržasynyň üsti bilen Ýewropa we Merkezi Aziýa, Ýakyn Gündogar. Aziýa-Ýuwaş ummany sebitiniň ýurtlaryna iberýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
