Gurbangeldi Aýmämedow – «Türkmengazüpjünçilik» birleşiginiň Baş direktorynyň wezipesini wagtlaýyn ýerine ýetirijisi
19-njy martda Türkmenistanyň Prezidenti Serdar Gurbangulyýewiç Berdimuhamedow wezipesine girişdi. Täze saýlanylan döwlet Baştutanynyň wezipesine girişmek dabarasyna ýurdumyzyň ýangyç-energetika toplumynyň edara-kärhanalarynyň wekilleri gatnaşdylar. Olaryň birnäçesi bu taryhy wakanyň özlerinde galdyran täsiri barada okyjylarymyza gürrüň berdiler.
Gurbangeldi Aýmämedow – «Türkmengaz» döwlet konserniniň «Türkmengazüpjünçilik» birleşiginiň Baş direktorynyň wezipesini wagtlaýyn ýerine ýetirijisi:
- Men Serdar Berdimuhamedowyň Türkmenistanyň Prezidenti wezipesine girişmegi mynasybetli şu günler onuň adyna aýdylýan köp sanly gutlaglara goşulýaryn.
Men ata Watanymyzyň durmuşynda bary-ýogy bir aýyň içinde bolup geçen birnäçe taryhy wakanyň – Milli Geňeşiň Halk Maslahatynyň mejlisiniň, saýlawlaryň hem-de döwlet Baştutanymyzyň wezipesine girişmek dabarasynyň şaýady boldum. Men muny özüm üçin uly hormat saýýaryn.
Garaşsyzlyk ýyllarynda Türkmenistanda uly özgerişlikler bolup geçdi. Döwletiň sütünlerini berkitmekde möhüm ädimler ädildi, munuň şeýledigini Türkmenistanyň Prezidentiniň wezipesine ýaş dalaşgärleriň görkezilmegi hem-de saýlawlaryň barşy aýdyň görkezdi.
Serdar Berdimuhamedow – özüne ynanylan ähli ýolbaşçy wezipelerde özüni iş başarjaň ýolbaşçy hökmünde görkezdi. Halkymyz oňa iň gymmatly zady – Watan ykbalyny ynandy.
Hormatly Prezidentimiz Serdar Berdimuhamedowyň ýobaşçylygynda eziz Watanymyz Türkmenistanyň has-da gurplanyp, has-da gözelleşjekdigine, kuwwatlanjakdygyna ynanýaryn. Hormatly Prezidentimize bagtyýarlyk hem-de mähriban ýurdumyzyň we halkymyzyň bähbidine ähli başlangyçlarynda üstünlikler arzuw edýärin.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
