Saparguly Berdiýew - "Türkmennebitönümleri" baş müdirliginiň önümçilik meseleler we innowasion tehnologiýalar boýunça bölümiň başlygy
Türkmenistanyň nebitgaz pudagyna daşary ýurt maýalaryny çekmek boýunça halkara maslahatyna gatnaşyjylar okyjylarymyza forumda ara alnyp maslahatlaşylan möhüm meseleler barada gürrüň berdiler.
Saparguly Berdiýew - Türkmenbaşydaky nebiti gaýtadan işleýän zawodlar toplumynyň "Türkmennebitönümleri" baş müdirliginiň önümçilik meseleler we innowasion tehnologiýalar boýunça bölümiň başlygy:
- Türkmenistan-Owganystan-Pakistan-Hindistan gazgeçirijisiniň (TOPH) taslamasyny amala aşyrmakda halkara hyzmatdaşlygyny ara alyp maslahatlaşmak OGT-2022-niň esasy meseleleriniň biri boldy.
Hormatly Prezidentimiz Serdar Berdimuhamedowyň belleýşi ýaly, bu giň gerimli taslamanyň amala aşyrylmagy oňa gatnaşjyjy ýurtlaryň ykdysady kuwwatyny berkitmek bilen çäklenmän, eýsem dünýäniň beýleki döwletleriniň ösmegine hem oňyn täsirini ýetirer.
Şol taslamanyň amala aşyrylmagy bilen baglylykda, daşary ýurtly foruma gatnaşyjylaryň çykyşlarynda nygtalşy ýaly, gözbaşyny iri “Galkynyş” gaz käninden aljak TOPH gazgeçirijisi möhüm durmuş meselelerini çözmek bilen bir hatarda, sebitiň ýurtlarynyň arasynda netijeli hyzmatdaşlygy giňeltmek, olaryň ykdysady kuwwatyny artdyrmak üçin giň ýol açýar, şeýle hem parahatçylygy we durnukly ösüşi berkimäge ýardam eder.
Bu gün biz Türkmenistanyň energiýa serişdelerini iberýän döwlet hökmünde dünýäniň energetika bazarynda eýeleýän ornuny berkitmek bilen çäklenmän, eýsem energetika eksportunyň harytlyk düzümini artdyrmagyň, halkara energetika işewürliginiň täze görnüşlerini ösdürmegiň hasabyna energetika bazarynda eýeleýän ornunyň häsiýetini hil taýdan üýtgedýändigini ynamly aýdyp bileris.
Degişli ugurda geljegi uly bolan meýilnamalar barada aýtmak bilen, tebigy serişdelerini özleşdirende Türkmenistanyň olary netijeli ulanýandygyny, daşky gurşaw barada alada edýändigini, energetika howpsuzlygynyň meseleleri boýunça möhüm halkara başlangyçlary öňe sürýändigini bellemek gerek. TOPH muňa mysal bolup, onda ekologiýa kadalaryny berjaý etmek ýaly möhüm ugra aýratyn ähmiýet berilýär.
Häzirki wagtda Türkmenistanyň öňde goýan maksady – türkmen tebigy gazyny ibermegiň ugurlaryny artdyrmak hem-de energiýa serişdelerini halkara bazaryna çykarmagyň ygtybarly we durnukly ulgamyny döretmek bolup, ol öz nobatynda häzirki döwrüň has möhüm wezipesini – dünýäniň energetika howpsuzlygy baradaky wezipäni çözmäge ýardam etmäge gönükdirilendir.
Bu ugurda deňhukukly, özara bähbitli halkara hyzmatdaşlygynyň uzakmöhletli geljegi nazarlaýan ählumumy durnukly ösüşiň aýrylmaz bölegi bolup durýandygyny bellemek gerek.
Nusaý galasynda gezelenç talyp ýaşlarda milli buýsanjy artyrdy
Talyp ýaşlary Watançylyk ruhunda terbiýelemek maksatly yzygiderli guralýan medeni çäreleriň çäklerinde bu gün Halkara senagatcylar we telekeçiler uni wersitetiniň professor-mugallymlarynyă we talyp ýaşlarynyă gatnaşmagynda Nusayyň Parfiýa galalary döwlet medeni-taryhy ýadygärligine gezelenç guraldy.
YLMY ÖSÜŞLER DABARALANÝAR
Maýa Kulyýewa adyndaky Türkmen milli konserwatoriýasynda Türkmenistanyň Ylymlar akademiýasy bilen bilelikde nobatdaky ylmy-usuly maslahaty geçirildi.
«Ýaş tebigatçy» jemgyýetçilik guramasynyň resmi web-saýty işe girizildi
Tebigatyň janlanýan, daş-töweregiň al-elwan güllere beslenýän günlerinde «Ýaş tebigatçy» jemgyýetçilik guramasynyň resmi web-saýty — tebigatchy.co.tm işläp başlady. Bu sanly platformanyň işe girizilmegi guramanyň işini döwrebaplaşdyrmakda nobatdaky ädim bolup, ol amala aşyrylýan ekologiýa başlangyçlary baradaky maglumatlaryň elýeterliligini ýokarlandyrmaga gönükdirilendir.
Uzynadadaky täze önümli guýy
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynda» göz öňünde tutulan belent wezipeleri üstünlikli durmuşa geçirmek ugrunda tutanýerli zähmet çekýän «Türkmennebit» döwlet konserniniň önümçilik düzümleri «Garaşsyz, baky Bitarap Türkmenistan — bedew batly at-myradyň mekany» ýylynyň ruhuna mynasyp işleri bitirmegiň hötdesinden gelýärler.
Okuw maslahaty geçirildi
Türkmenistanyň Jemgyýetçilik guramalarynyň merkezinde kärdeşler arkalaşyklarynyň işini kämilleşdirmek, döwrüň talabyna laýyk guramak, işleriň dogry alnyp barylmagyny üpjün etmek bilen baglanyşykly amaly-usuly okuw maslahaty geçirildi.
