Mergen Muhammedow “Türkmengaz” döwlet konserniniň Geologiýa we gaz ýataklaryny işläp geçmek müdirliginiň baş hünärmeni
Türkmenistanyň nebitgaz pudagyna daşary ýurt maýalaryny çekmek boýunça halkara maslahatyna gatnaşyjylar okyjylarymyza forumda ara alnyp maslahatlaşylan möhüm meseleler barada gürrüň berdiler.
Mergen Muhammedow “Türkmengaz” döwlet konserniniň Geologiýa we gaz ýataklaryny işläp geçmek müdirliginiň baş hünärmeni:
Hormatly Prezidentimiz Serdar Berdimuhamedow Foruma gatnaşyjylara iberen Gutlagynda halkymyzyň ýaşaýyş-durmuş derejesini ýokarlandyrmaga hem-de ählumumy meseleleri çözmäge ýardam edýän milli ykdysadyýetimiziň esasy ugurlarynyň biri hökmünde ýurdumyzyň ýängyç-energetika toplumynyň ähmiýetini belledi. Döwlet Baştutanymyzyň belleýşi ýaly, biz tebigy serişdelerimizi diňe türkmen halkynyň bähbidine däl-de, eýsem tutuş adamzadyň abadançylygynyň we röwşen geljeginiň hatyrasyna ulanýarys.
Elbetde, halkara maýagoýum onlaýn-forumy pudagyň eksport kuwwatyny artdyrmak we maýalary çekmek boýunça ýurdumyzyň ýangyç-energetika toplumynyň öňünde goýlan wezipeleri çözmek üçin uly mümkinçilikleri açýan ýylyň möhüm wakasyna öwrüldi.
OGT-2022-niň ýylyň iri pudaklaýyn çäresine öwrülip, döwrebap tehnologiýalary işjeň ulanmak, giň gerimli hyzmatdaşlygy ýola goýmak, özara bähbitli taslamalary ara alyp maslahatlaşmak, ýurdumyzyň we daşary ýurtly hünärmenleriň arasynda tejribe alyşmak üçin netijeli meýdança bolup hyzmat edendigini bellemek gerek.
Maslahatyň oňa gatnaşyjylar üçin gyzykly we netijeli bolandygyna ynanýaryn. Biz bu ýerde energetika howpsuzlygynyň dürli ugurlaryna degişli bolan çykyşlary diňledik.
Nebitgaz pudagynda hyzmatdaşlygyň dürli ugurlaryna bagyşlanan mejlisleriň dowamynda biz daşary ýurtly maslahata gatnaşyjylary ýurdumyzyň ýangyç-energetika toplumyny ösdürmegiň maksatnamasy, pudaklaýyn hyzmatlaryň görnüşleri, Türkmenistanda “ýaşyl” energetikany ösdürmegiň mümkinçilikleri bilen tanyşdyrdyk.
Energiýa serişdelerini öndürmek, şeýle hem olary ibermek hem-de sarp etmek ýaly ugurlary gurşap alýan ählumumy energiýa howpsuzlygyny üpjün etmekde bitarap Türkmenistanyň energetika syýasatyna aýratyn üns berildi. Şunuň bilen baglylykda maslahata gatnaşyjylaryň çykyşlarynda Türkmen döwletiniň döredijilikli teklipleriniň ähmiýetine aýratyn orun berildi, olar dünýä bileleşiginiň goldawyna eýe bolup, ählumumy energiýa howpsuzlygyny üpjün etmek babatda BMG-niň kabul eden ýörite Rezolyusiýalary bilen berkidildi.
Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň hem-de Türkmenistanyň nebitgaz senagatyny ösdürmegiň 2030-njy ýyla çenli döwür üçin maksatnamasynyň pudagyň önümçilik kuwwatlyklaryny has-da artdyrmak boýunça çäreleriň amala aşyrylmagyny göz öňünde tutýandygyny, onuň bolsa, sebitde we dünýäde energetika howpsuzlygyny üpjün etmek meseleleri bilen berk bagly bolup durýandygyny bellmek gerek.
Öňde bize uly işler garaşýar, olaryň netijeleriniň OGT-2022 halkara forumynyň jemleri bilen goldanjakdygyna ynanýaryn.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
