«Gündogargazakdyryş» müdirligi: yhlasly zähmet
Mälim bolşy ýaly, şu ýylyň 11-nji fewralynda Halk Maslahatynyň taryhy mejlisi geçirilip, onda Türkmenistany ösdürmegiň geljek 30 ýyl üçin maksatnamasy tassyklanyldy. Bu forumyň möhüm kararlary tutuş nebitgaz toplumynyň işgärlerini bolşy ýaly, «Türkmengazakdyryş» birleşiginiň «Gündogargazakdyryş» müdirliginiň işgärllerini hem has-da uly zähmet üstünliklerine ruhlandyrdy.
«Halkyň Arkadagly zamanasy» şygary astynda geçýän şu ýylyň ilkinji aýlarynda müdirligiň hünärmenleri tarapyndan sarp edijilere gaz ibermek boýunça meýilnama üstünlikli ýerine ýetirildi. Mary we Lebap welaýatlarynyň ilatly nokatlary, şeýle hem iki sebitiň edara-kärhanalary tebigy gaz bilen bökdençsiz üpjün edilýär.
Ideg edilýän ýokary basyşly gaz turbalarynyň umumy uzynlygy 2808 km-den geçýär. Müdirligiň gazçylary 77 sany gaz paýlaýjy beketleriň, 15 sany gaz sazlaýjy beketleriň yzygiderli tehnologiki gözegçiligini amala aşyryp, tebigy gazyň bökdençsiz iberilmegini üpjün edýärler.
«Gündogargazakdyryş» müdirliginiň awtotraktor gullugynyň hünärmenleridir sürüjileri hem «mawy ýangyç» bilen bökdençsiz üpjün etmekde mynasyp goşant goşýarlar. Meýilnama laýyklykda ýokary basyşly gaz geçirijilerinde abatlaýyş işleri geçirilýär, şeýle hem sazlaýyş, anyklaýyş we güýz-gyş möwsümine taýýarlyk çäreleri geçirilýär.
Mundan başga-da, ýörite ulag serişdeleriniň, şol sanda kuwwatly traktorlaryň satyn alynmagy netijesinde müdirligiň ulag parky yzygiderli täzelenýär. Ýakynda onuň düzümine «KAMAZ» kysymly ýöriteleşdirilen awtoulag gelip gowuşdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
