Seýdiniň NGIZ ýanwar-aprel üçin önümçilik meýilnamasyny artygy bilen ýerine ýetirdi
Seýdiniň nebiti gaýtadan işleýän zawody şu ýylyň başky dört aýynda ýokary önümçilik görkezijilerini gazandylar. Bu döwürde kärhanada çig malyň gaýtadan işlenilýän derejesi 162,8 müň tonna deň boldy, şol bir wagtda meýilnama 120,6% ýerine ýetirildi.
Gaýtadan işlenilen çig maldan 155,9 müň tonna taýýar önüm öndürildi. Meýilnama 124% ýerine ýetirildi. Geçen döwürde öndürilen önümiň esasy möçberi, hususan-da, 83,5 müň tonnadan gowragy benziniň paýyna düşdi. Belläp geçsek, geçen ýylyň degişli döwri üçin bu görkeziji 76,4 müň tonna deň boldy. Şeýlelikde, hasabat döwründe ösüş depgini 109,3%-e deň boldy.
Uly islegden peýdalanýan nebit önümleriniň hatarynda dizel ýangyjyna hem uly orun degişlidir. Hasabat döwründe bu harytlyk önümiň 43,5 müň tonnasy öndürildi, şol bir wagtda dört aý üçin meýilnama 122% ýerine ýetirildi. Şeýle hem ýol bitumynyň we wakuum gazoýlynyň önümçiligi ýokary sepgitlere ýetdi.
Bu gazanylan üstünlikleri hünärmenler täze önümçilikleriň döwrebaplaşdyrylmagy we işe girizilmegi bilen baglanyşdyrýarlar. Garaşsyzlyk ýyllarynda bu kärhanada düýpli özgertmeler geçirildi. Kärhananyň esasy desgasy bolan LÇ-35 – 11/1000 katalitik riforming desgasynyň abatlanylmagy netijeli önümçiligiň ýola goýulmagyna mümkinçilik berdi. Ýol bitumynyň önümçiligi boýunça desganyň ulanyşa girizilmegi bilen bolsa, öndürilýän önümleriň sany artdyryldy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
