Raisi: Eýran mundan beýläk hem türkmen gazyny swoplaýyn Azerbaýjana ibermegini dowam etmäge taýýar
Eýran geljekde hem öz çäginiň üsti bilen türkmen gazyny Azerbaýjana ibermäge taýýar. Bu barada Eýranyň Prezidenti Ebrahim Raisi çarşenbe güni Türkmenistanyň Prezidenti Serdar Berdimuhamedow bilen duşuşygynda belledi diýip, IRNA habarlar agentligi habar berýär.
Ýokary derejedäki ikitaraplaýyn gepleşikler Türkmenistanyň paýtagtynda 29-njy iýunda geçirilen Hazar sammitiniň çäklerinde guraldy.
Eýran-türkmen gatnaşyklarynyň hoşniýetli goňşuçylyk we özara ynanyşmak esasynda giňeldilýändigini beýan edip, Raisi Serdar Berdimuhamedowyň ýakynda Tährana sapary wagtynda gol çekilen özara düşünişmek hakynda ähtnamalaryň we resminamalaryň durmuşa geçirilmeginiň hyzmatdaşlygy giňeltmegi tizleşdirjekdigini nygtady.
Raisi şeýle hem Azerbaýjanyň ýakynda soramagyna laýyklykda öz çäginden Azerbaýjana geçirýän türkmen gazynyň möçberlerini artdyrmaga taýýardygyny mälim etdi.
Iýun aýynyň başynda Azerbaýjanyň energetika ministri Parwaz Şahbazow 2022-nji ýylyň başyndan bäri Azerbaýjanyň Eýranyň üsti bilen 1,5 mlrd kub metr türkmen gazyny import edendiigini habar berdi.
Öň, Eýranyň nebit ministri Jawad Ouji Azeerbaýjanyň, Türkmenistanyň we Eýranyň 2021-nji ýylyň noýabrynda gazanylan ylalaşygyň çäklerinde tebigy gazyň alyş-çalşygynyň möçberinni iki esse artdyrmagy ylalaşandygyny habar beriş serişdelerine ýetirdi. Onuň bellemegine görä, üç ýurt tebigy gazyň alyş-çalşygynyň möçberini iki esse artdyrmak hakynda ylalaşdylar.
Eýranyň çäginiň üsti bilen türkmen gazyny Azerbaýjana swoplaýyn ibermek hakynda üçtaraplaýyn ylalaşyk 2021-nji ýylyň 28-nji noýabrynda Aşgabatda Ykdysady Hyzmatdaşlyk Guramasynyň 15-nji sammitiniň çäklerinde gol çekildi. Şertnama 2022-nji ýylyň 1-nji ýanwarynda durmuşa geçirilip başlandy. Resminama laýyklykda, Türkmenistan Eýranyň demirgazyk-gündogar etraplaýyna günde 5-6 mln kub metr gaz iberýär, Eýran bolsa, şu möçberdäki gazy demirgazyk-günbatar serhedinden Azerbaýjana iberýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
