Milli gämiler türkmen nebit önümleriniň ibermelerini artdyrmaga mümkinçilik berdi
Türkmenbaşy şäherinde döwrebap Halkara deňiz porty we milli gämiler türkmen nebit önümleriniň daşary ýurtlara durnukly iberlemerini ýola goýmaga mümkinçilik berdi. Bu barada «Türkmendeňizderýaýollary» agentliginiň başlygy Agamyrat Haýytmyradow şu gün Aşgabatda açylan «Halkara ulag-üstaşyr geçelgeleri: özara arabaglanyşyk we ösüş» atly halkara maslahatynda eden çykyşynda belledi.
— Innowasion taslamalaryň çäklerinde Türkmenistan nebit önümlerini daşamak üçin 7 sany döwrebap gämini gurdy we satyn aldy. Bu bolsa ýerli flotuň bäsdeşlige ukyplylygyny düýpli artdyrdy — diýip, agentligiň başlygy aýtdy.
— Häzirki wagtda bu gämiler hazar portlarynyň arasynda halkara gatnawlary amala aşyrýarlar we Türkmenistana halkara bazarlarynda üstünlikli wekilçilik edýärler – diýip Haýytmyradow belledi.
Mundan başga-da, Türkmenbaşy şäheriniň Halkara deňiz portunyň hödürleýän hyzmatlarynyň gerimini giňeltmek we gowulandyrmak üçin dört sany tirkeg gämisini we iki sany tizlikli ýolagçy gämilerini aldy we döwrebaplaşdyrdy.
Şunuň bilen baglylykda, Türkmenistanyň gämi duralgasyny Hazar deňziniň gündogar kenaryndaky sebitiň iň kuwwatly we iri ulag-logistika merkezineöwürmegi maksat edinýär.
— Şunuň bilen baglylykda, gyzyklanma bildirýän kompaniýalaryň ählisini Türkmenbaşy şäheriniň Halkara deňizportunda hyzmatdaşlyk etmäge çagyrýarys.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
