«Türkmennebit» DK: ýanwar-iýul aýlary boýunça üstünlikli netijeler gazanyldy
2022-nji ýylyň ýedi aýynyň netijeleri boýunça «Türkmennebit» döwlet konserni boýunça senagat taýdan özleşdirilen guýulardan 2 mln 123 müň tonna «gara altyn» we 2 mlrd 613 kub metr «mawy ýangyç» alyndy. Şol bir wagtda bellenilen döwür üçin önümçilik meýilnamasy degişlilikde 101,1% we 115,3% ýerine ýetirildi.
Şu ýylyň ýanwar-iýul aýynda «Nebitgazburawlaýyş» trestiniň buraw işleri müdirliginiň hünärmenleri tarapyndan 20 sany guýy işlenip taýýarlanyldy we ulanyşa girizildi. Şolardan 19-sy ulanyş guýulary.
Häzirki wagtda konserniň buraw işleri müdirligi häzirki zaman kuwwatly tehnikalara we iň täze enjamlara eýelik edýär. Bu bolsa 7000 metr çuňluga çenli burawy amala aşyrmaga mümkinçilik berýär. Döwrebap tehnologiýalary netijeli peýdalanmak arkaly Türkmenistanyň günbatar sebitiniň baý känlerinde şu ýylyň geçen ýedi aýynda bäş sany ulanyş guýusynda buraw işleri üstünlikli tamamlanyp, ulanyşa girizildi.
«Ekerem» buraw işleri müdirliginiň hünärmenleri hem ýokary netijeleri gazandylar.
Şu ýylyň geçen ýedi aýynda ýurdumyzyň günbatar sebitiniň Uzynada, Keýmir, Ekerem, Altyguýy, Demirgazyk Goturdepe känlerinde burawlanan guýular ýokary öndürijiligi bilen tapawutlandylar.
«Uzynada» käninde taslama çuňlugy 6750 mtr bolan №77 guýusyny işläp taýýarlamak işleri üstünlikli tamamlandy. Ol ýerden tebigy gazyň we nebit konsensatynyň senagat akymy alyndy. Täze guýy «Gumdagnebit» nebit we gaz çykaryş müdirliginiň nebitçileri tarapyndan ulanyşa berildi. Häzirki wagtda onuň gündelik debiti 91 tonna 1gara altyna» we 75 müň kub metr «mawy ýangyja» deňdir.
Ýylyň başyndan bäri nebitgaz çykaryş müdirliklerine berlen «Keýmir», «Gamyşlyjanebit», «Goturdepenebit» we ulanyşa girizilen №80, №94, №140 we №350 ulanyş guýulary uglewodorod çig malynyň uly möçberini berýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
