ÝB-niň energetika ministrleri gazyň iň ýokary çäk bahasy babatda umumy pikire gelip bilmediler
Ýewropa Bileleşigi ýurtlarynyň energetika ministrleri anna güni düşünişmezligi aradan aýryp, sowuk möwsümiň ýakynlaşyp gelmegi bilen energiýa geçirijileriniň bahalarynyň artmagy netijesinde rus gazy meselesi boýunça umumy pikire gelip bilmediler. Birnäçe ýurtlar bu babatda garaýyşlaryny üýtgetmekden ýüz öwürdiler diýip, Interfaks habar berýär.
«ÝB-niň 27 agza döwletiniň energetika ministrleri rus tebigy gazy üçin bahalaryň ýokary çäk meselesi babatda düşünişmezligi aradan aýryp bilmediler, çünki garaýşyny üýtgetmek islemeýän Wengriýa bu ýagdaýyň öz bähbitlerine ters gelýändigini beýan etdi» diýip, Associated Press agentligi habar berýär.
Mundan başga-da, beýleki ýurtlar bahalaryň ýokary çäk syýasatynyň diňe Russiýa babatda ulanylmagy ýa-da beýleki ýurtlara hem degişliligi babatda hem bir pikire gelip bilmediler.
Agentligiň maglumatlaryna görä, her bir ýurduň energetika babatda öz hakykatynyň we aýratynlyklarynyň bardygyny nazara alyp, käbir ministrler ylalaşyk gazanmagyň ýeňil bolmajakdygyny boýun aldylar. Şol bir wagtda, ministrler häzir wagtyň esasy ähmiýete eýedigi babatda ylalaşdylar, çünki ýurtlar esasy hyzmatlar — ýylylyk we ýagtylyk bilen üpjün etmeli.
GFR-niň ykdysadyýet we howany goramak ministri Robert Habegiň belleýşi ýaly, tebigy gazyň bahasyny energiýanyň beýleki görnüşlerinden — energiýanyň dikeldilýän çeşmelerinden hem-de bazar gurallaryny bozmazdan tapawutlandyrmagyň usulyny tapmak zerur.
Ýewropa Geňeşiniň başlygy Şarl Mişeliň, öz gezeginde, belleýşi ýaly, «ÝB ýurtlaryna energetika bilen bagly esasy meseleleri çözmek üçin ýene-de birnäçe duşuşyklary geçirmek gerek».
Garaşylyşy ýaly, geljek hepdede Ýewrokomissiýa geňeşiň barşynda ministrler tarapyndan hödürlenilen teklipleri umumylaşdyrar we soňrakky hereketler boýunça gutarnykly hereketleri taýýarlar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
