Türkiýe 2023-nji ýyldan öz tebigy gazyny ulanyp başlar
2023-nji ýylyň mart aýyndan başlap, Türkiýe öz tebigy gazyny ulanyp başlamagy meýilleşdirýär. Bu barada Türkiýäniň energetika we tebigy serişdeler ministri Fatih Dönmez beýan etdi diýip, Trend habar berýär.
Ministriň bellemegine görä, Gara deňizdäki ýatakdan Zonguldak şäherindäki Filos diýen ýere gaz ibermek üçin turba geçirijiniň 140 kilometrlik bölegi taýýar.
Türkiýäniň Gara deňizde gazyň iri ýataklaryny ýüze çykarandygy barada 2020-nji ýylyň tomsunda belli boldy. Ilkibaşda, türk häkimiýetleri 320 mlrd kub metr gaz hakynda mälim etdiler, güýzde Rejep Taýyp Ärdogan täze käniň subut edilen ätiýaçlyklarynyň 405 mlrd kub metre ýetýändigini habar berdi.
Ärdoganyň bellemegine görä, Ankara tapylan gaz bilen ilatyny 2023-nji ýylda üpjün edip başlap biler. Onuň aýtmagyna görä, üsti açylan bu kän ýurtda iň irisidir, täze käniň işlenip taýýarlanmagy bolsa, ýurduň energetika howpsuzlygyny üpjün eder we täze iş orunlaryny döreder.
Türkiýe «Sakarýa» känini indiki ýylyň başyndan ulanyp başlamagy meýilleşdirýär we ol ýerden günde 40 mln kub metr gaz çykarmak isleýär (ýylda 14,6 mlrd kub metr) diýip, öň Kriter žurnalyna türk ministri Fatih Dönmez habar berdi.
Belläp geçmeli zatlaryň biri, geçen ýyl Türkiýe «Gazpromdan» 27 mlrd kub metr gaz satyn aldy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
