«Garaşsyzlyk ýyllarynda gaz senagatynyň ylmy ösüşi» atly ylmy-amaly maslahat geçirildi
«Garaşsyzlyk ýyllarynda gaz senagatynyň ylmy ösüşi» at bilen «Türkmengaz» döwlet konserniniň Ylmy-barlag tebigy gaz institutynyň kärdeşler arkalaşygynyň ilkinji guramasynyň guramagynda institutyň mejlisler zalynda eziz Watanymyzyň Garaşsyzlygynyň 31 ýyllygy mynasybetli ylmy-amaly maslahat geçirildi. Oňa toplumyň birleşikleriniň, müdirlikleriniň, edara-kärhanalarynyň hünärmenleri gatnaşdylar.
Berkarar döwletiň täze eýýamynyň Galkynyşy döwri beýik ösüşlere beslenip, jümle-jahana ýaň salýar. Bagtymyzyň gözbaşy bolan mukaddes Garaşsyzlygymyzyň 31 ýyllygy bellenilýän ýylynda eziz Diýarymyzyň ähli ulgamlarynda, şol sanda milli ykdysadyýetimiziň möhüm ugry bolan nebitgaz pudagynda hem uly ösüşler gazanylýar. «Halkyň Arkadagly zamanasynda» Arkadagly Serdarymyzyň baştutanlygynda ýurdumyz gülläp ösüşiň nurana ýoly bilen öňe barýar. Türkmenistan dünýä döwletleri we halklary bilen özara bähbitli hyzmatdaşlyk üçin açyk bolup, milli Garaşsyzlygymyzdan gelip çykýan dost-doganlyk, parahatçylyk söýüjilik, bir-birege ynanyşmak we goldaw bermek ýörelgelerine ygrarly daşary syýasatyny alyp barýar. Garaşsyzlyk ýyllary içinde ýurdumyzyň nebitgaz toplumynyň maddy-enjamlaýyn binýady kämilleşdirilip, onuň işi ösen tehnologiýalar zamanynyň talaplaryna kybap getirildi. Şonuň netijesinde Türkmenistanyň nebitgaz pudagy dünýäniň ykdysady ösüşinde özüniň mynasyp ornuny eýeleýär. Bular dogrusynda maslahatda giňişleýin bellenilip geçildi.
Şeýle-de institutyň kärdeşler arkalaşygynyň ilkinji guramasynyň başlygy Myrat Baýramgylyjowyň, Türkmenistanyň Demokratik partiýasynyň başlygy Begençberdi Ahmedowyň, institutyň ylmy işgärleri, inženerler Tawus Saryýewanyň, Aganazar Samakowyň, Çynar Geldiýewanyň, Muhammetguly Magtymgulyýewiň, Dörtguly Garajaýewiň, Döwran Döwletalyýewiň, Atajan Söýünowyň «Garaşsyzlyk ýyllarynda ýangyç-energetika toplumynyň milli ykdysadyýetimiziň ösüşindäki orny», «Garaşsyzlyk ýyllary içinde daşary syýasatynyň hyzmatdaşlyk ýoly», «Nebit we gaz senagatynyň ekologiýa taýdan arassa we tebigy baýlyklary tygşytlaýjy tehnologiýalary» atly we başga-da ähmiýetli ugurlar boýunça ylmy esasly çykyşlary diňleýjilerde täsir galdyrdy.
Maslahatda «Türkmengaz» DK-nyň Medeni işewürlik merkeziniň sungat ussatlary — Türkmenistanyň at gazanan artistleri Şöhrat Saparow, Eneş Rejepowa, Döwran Tokgaýew, aýdymçylar Baýramhan Saparow we Aşyrmämmet Durdyýew Gahryman Arkadagymyzyň, Arkadagly Serdarymyzyň adyl, öňdengörüjilikli syýasatyny, ata Watanymyzyň bedew batly ösüşini, bagtyýar durmuşy wasp edýän joşgunly aýdym-sazlary ýerine ýetirdiler.
Ylmy-amaly maslahatda Ylmy-barlag tebigy gaz institutynyň we jemgyýetçilik guramalarynyň işlerinde tutanýerlilik bilen yhlasly zähmet çekýän hünärmenlere Türkmenistanyň Kärdeşler arkalaşyklarynyň Milli merkeziniň Nebitgaz senagaty toplumynyň işgärleriniň kärdeşler arkalaşygy geňeşiniň hem-de Ylmy-barlag tebigy gaz institutynyň kärdeşler arkalaşygynyň ilkinji guramasynyň Hormat haty we sowgatlary dabaraly ýagdaýda gowşuryldy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
