Hyundai Engineering OGT-2022-niň kümüş hyzmatdaşy
Günorta Koreýanyň Hyundai Engineering kompaniýasy 26-28-nji oktýabr aralygynda Aşgabatda geçiriljek "Türkmenistanyň nebiti we gazy" Halkara maslahatynyň kümüş hyzmatdaşy bolup çykyş edýär.
1974-nji ýylda esaslandyrylan bu kompaniýa diňe bir Koreýada däl, eýsem bütin dünýä boýunça dürli ugurlarda ýokary hilli inžener-tehniki hyzmatlaryny, çözgütleri hödürleýän bütindünýä kompaniýalaryň birine öwrüldi. Kompaniýa köpýyllyk tejribä, öňdebaryjy tehnologiýalara we zehine esaslanan gymmatlyklary döretmegi maksat edinýär.
Hyundai Engineering Türkmenistanda 10 ýyldan gowrak wagt bäri işleýär we bu döwürde bilelikdäki iri taslamalaryň birnäçesini üstünlikli durmuşa geçirdi.
Hususan-da, 2013-nji ýylda “Galkynyş” gaz käninde tebigy gazy kükürtden arassalaýan desga guruldy. LX International Corporation bilen hyzmatdaşlykda Hyundai Engineering Türkmenbaşynyň nebiti gaýtadan işleýän zawodlar toplumynda (TNGIZT) birnäçe täze önümçilik bölümlerini işe girizdi.
Günbatar Türkmenistanyň Gyýanly şäherçesinde Hyundai Engineering, LX International Corporation we TOYO Engineering Corporation kompaniýalarynyň konsorsiumy tarapyndan taslama kuwwaty bir ýylda 386,000 tonna ýokary basyşly polietilen we 81,000 tonna polipropilen öndürmäge ukyply gazhimiýa toplumynyň gurluşygy tamamlandy.
Bu önümler öňdebaryjy we ekologiýa taýdan howpsuz tehnologiýalar esasynda öndürilýär. Hyundai Engineering 2014-nji ýylda Ýewropada we Ýewraziýada iň gowy ekologiýa taýdan arassa on taslamanyň biri hökmünde umumy bahasy ABŞ-nyň 3,4 milliard dollaryna deň bolan Gyýanly gazhimiýa toplumynyň taslama işleri ýerine ýetirilýän döwründe Trade-Export-Finance (Beýik Britaniýa) ýörite baýragyna mynasyp boldy.
Türkmenistanda işlän döwri içinde Hyundai Engineering özüni çylşyrymly taslamalary ynanyp boljak ynamdar hyzmatdaş hökmünde tanatdy.
Hyundai Engineering işewürlik ýakynlygy we baha döretmek yzygiderligini giňeltmek arkaly, täze ösüş hereketlendirijilerini döretmegi dowam etdirýär. Şol bir wagtyň özünde, kompaniýa öz çeşmelerini ýokary tehnologiýa gurluşygynyň ähli ugurlaryna sanly innowasiýalary ornaşdyrmaga gönükdirýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
