Daşary ýurtly maýadarlara Türkmenistanda durmuşa geçirilýän «ýaşyl» taslamalara gatnaşmak teklip edildi
OGT — 2022 Halkara maslahatynyň çäklerinde daşary ýurtly maýadarlar Türkmenistanda «ýaşyl» taslamalary durmuşa geçirmäge çagyryldy. Bu barada Döwlet daşary ykdysady iş bankynyň başlygy Rahymberdi Jepbarow «Täze eýýamyň energetikasy: içerki we sebit ösüşiniň mümkinçilikleri» sessiýasynda eden çykyşynda belledi.
Jepbarowyň bellemegine görä, Türkmenistan daşky gurşaw töwekgelçiligini we howplary azaltmak boýunça halkara tagallalarynyň netijeli utgaşdyrylmagyny goldamak bilen, senagat zyňyndylarynyň atmosfera ýaramaz täsiri baradaky aladalary doly paýlaşýar.
Daşary ykdysady iş bankynyň başlygynyň nygtaýşy ýaly, Türkmenistan energiýanyň dikeldilýän çeşmeleri, energiýa netijelilik, elektrik energiýasynyň akkumulirlenmegi we elektrik pudagyny karbonlaşdyrmak maksady bilen beýleki ugurlar boýunça halkara guramalary bilen hyzmatdaşlygy ösdürýändigini aýtdy.
Bu babatda çykyş eden Türkmenistanyň wodorod energiýasy babatynda çynlakaý mümkinçilikleriniň bardygyny, ýagny eksport üçin ösen ulag ulgamynyň we iň esasysy çig mal binýadynyň, tebigy gazyň we nebit gorlarynyň bardygyny aýtdy. Bu pudagyň ösüşi, ýaşyl ykdysadyýete geçmegi çaltlaşdyrar we uglerodyň bitaraplygynyň global maksadyna ýetmek üçin ýurduň goşandyny artdyrar.
Ýurtda wodorod senagatyny döretmek üçin önümçilik we saklamak boýunça infrastruktura uly maliýe maýa goýumlary zerurdyr. Jepbarow Türkmenistan bu işe daşary ýurt maýa goýumlaryny çekmek, şeýle hem Energiýanyň gaýtadan dikeldilýän çeşmeleri boýunça Halkara agentliginiň edarasyny özünde açmak üçin iş alyp barýandygyny aýtdy.
Jepbarow tebigy gazdan ekologiýa taýdan arassa benzin öndürýän zawodyň we 432 megawatt kuwwatlygy bolan turbinaly elektrik stansiýasynyň gurluşygyny Türkmenistan bilen halkara guramalaryň we iri tehnologiýa kompaniýalarynyň uglerody azaltmak ugrundaky üstünlikli hyzmatdaşlygynyň mysaly diýip atlandyrdy. Bu taslamalara Ýaponiýa Halkara Hyzmatdaşlyk Bankynyň we NEKSI eksport karz gullugynyň hasabyna maliýeleşdirilýän beýleki täjirçilik gurluşlaryndan alnan karzlar çekildi.
Geçen ýylyň iýul aýynda Abu-Dabiniň Ösüş gaznasy bilen 10 megawattlyk utgaşdyrylan Gün-ýel elektrik stansiýasynyň gurluşygyny maliýeleşdirmek üçin karz şertnamasy baglaşyldy. Jepbarow, Türkmenistan daşary ýurt kompaniýalarynyň hödürläp biljek beýleki geljegi uly "ýaşyl" taslamalaryna garamaga taýýardygyny aýtdy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
