GlobalPetrolPrices: Türkmenistan — benziniň iň arzan ýurtlarynyň onlugynda
Türkmenistan benziniň iň arzan ýurtlarynyň ilkinji onlugynda galmagyny dowam edýär. GlobalPetrolPrices-yň maglumatlaryna görä, 5-nji dekabra çenli ýagdaýa görä, Türkmenistan oktan mukdary 95 belgili benziniň elýeterliligi boýunça reýtingde ýedinji orny eýeleýär. 1 litr benziniň bahasy ýurtda 0,433 dollar.
Mundan başga-da, GDA-nyň çäklerinde Türkmenistan benziniň bahasy iň arzan ýurtdur.
Dünýäde benziniň iň arzan bahasy Wenesuelada hasaba alyndy, 1 litri — 0,016 dollar. Ilkinji üçlükde şeýle hem Liwiýa we Eýran bar, degişlilikde — $0,031 we $0,053 dollar. Şol bir wagtda dünýäde benziniň 1 litriniň ortaça bahasy 1,30 dollar.
Iň gymmat benzin Gonkongda (Hytaýyň ýörite administratiw etraby). Ol ýerde 1 litr benzin — 2,969 dollar.
Belläp geçsek, biziň ýurdumyzda dürli kysymly ýokary hilli awtomobil benzinleri, şol sanda A-95, A-98 Türkmenbaşydaky nebiti gaýtadan işleýän zawodlar toplumynda, şeýle hem Ahal welaýatynda tebigy gazdan benzin öndürýän zawodda öndürilýär. Şol zawodda Euro-5 ülňülerine laýyk gelýän ECO-93 sintetiki benzini işlenip taýýarlanýar.
Bu döwrebap kärhanalarda öndürilýän awtomobil ýangyjy Türkmenistanyň içerki zerurlyklaryny dolulygyna kanagatlandyrýar. Şol bir wagtda, öndürilen önümiň bir bölegi dünýäniň dürli ýurtlaryna eksport edilýär. Şeýlelikde, Türkmenistan öz nebit önümlerini Döwlet haryt-çig mal biržasynyň üsti bilen Merkezi Aziýa, Ýewropa, Ýakyn Gündogar we beýleki sebitleriň ýurtlaryna iberýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
