Türkmenistanda ilatyň we ýaşaýyş jaý gorunyň uçdantutma ýazuwy tamamlanýar
Şu gün ýurdumyz boýunça ilatyň we ýaşaýyş jaý gorunyň uçdantutma ýazuwy tamamlanýar. Ol Türkmenistanyň Prezidentiniň Kararyna laýyklykda dekabr aýynyň 17-nden 27-si aralykda “Ilat ýazuwy-2022: Jebislik, Bagtyýarlyk, Röwşen geljek” diýen şygar astynda geçirildi.
Türkmenistanyň Statistika baradaky döwlet komitetinde habar berişleri ýaly, ilat ýazuwy bellenilen düzgünlere we halkara standartlaryna laýyklykda geçirildi.
Bu çäräni geçirmegiň düzgün-kadalary barada ilaty habarly etmek boýunça taýýarlyk işleriniň üstünlikli geçirilmegi netijesinde ýurdumyzyň raýatlary ýokary jogapkärçiligini görkezdiler. Soramak hem-de elektron ýazuw kagyzlaryny doldurmak işlerini alyp baran ýörite taýýarlykly hasapçylaryň we ilatyň özara gatnaşyklary özara düşünişmek esasynda guraldy.
Şeýlelikde, sanly ulgam has takyk görkezijileri almaga mümkinçilik berer, şeýle hem ilat ýazuwynyň deslapky we gutarnykly netijelerini seljermäge, öz wagtynda we doly çap etmäge ýardam eder. Şolaryň esasynda ýurdumyzyň ilatynyň demografik düzümi we durmuş-ykdysady ýagdaýy barada anyk maglumatlar toplanar .
Şol maglumatlar oýlanyşykly döwlet derejeli çözgütleri kabul etmek, Berkarar döwletiň täze eýýamynyň Galkynyşy döwründe ykdysadyýetiň we durmuş ulgamynyň ähli pudaklary üçin uzak möhletleýin taslamalarydyr maksatnamalary işläp taýýarlamak üçin zerur bolan has doly, ygtybarly maglumatlar binýadyny döretmäge ýardam eder.
Ilat ýazuwyny geçirmek meselelerinde Türkmenistanyň Birleşen Milletler Guramasy hem-de onuň ýöriteleşdirilen edaralary, şol sanda BMG-niň Ilat gaznasy (UNFPA), Statistika bölümi we beýleki ugurdaş düzümleri bilen netijeli hyzmatdaşlyk edýändigini bellemek gerek.
Bu babatda şu ýylyň 19-njy dekabrynda Türkmenistanyň daşary işler ministriniň orunbasary Wepa Hajyýewiň BMG-niň Demografik statistika bölüminiň hem-de Statistika müdirliginiň ýolbaşçysy jenap Srjan Mrkiç bilen bolan duşuşygyny görkezmek bolar, myhman BMG-niň bilermenler wekiliýetine ýolbaşçylyk edip iş sapary bilen Aşgabada geldi.
Bu sapar ýerlerde ilat ýazuwyny geçirmek işlerine syn etmek maksady bilen amala aşyryldy. 2022-nji ýylda Türkmenistanyň ilatynyň we ýaşaýyş jaý gorunyň uçdantutma ýazuwyny halkara standartlaryna laýyklykda geçirmegiň çäklerinde hyzmatdaşlyk duşuşygyň esasy meselesi boldy.
Türkmen tarapynyň ilat ýazuwynyň netijelerini halkara kadalaryna we ýörelgelerine laýyklykda çap etmek boýunça bilermenleriň teklibini öwrenmäge taýýardygy beýan edildi.
Umumymilli foruma taýýarlygyň çäklerinde maslahat geçirildi
Watanymyzyň ösüş ýolunda täze belentliklere tarap ynamly gadam urýan döwründe Garaşsyz, hemişelik Bitarap Türkmenistanda ýurdumyzyň iň ýokary wekilçilikli edarasy bolan Türkmenistanyň Halk Maslahatynyň nobatdaky mejlisine taýýarlyk işleri işjeň ýagdaýda alnyp barylýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
