Awtoulaglaryň sürüjilerine hyzmaty ýokary medeniýetli guramak «Türkmennebitönümleriniň» esasy wezipeleriniň biri
«Türkmennebit» döwlet konserniniň «Türkmennebitönümleri» baş müdirliginiň Wekilbazar nebit önümleri kärhananyň agzybir zähmet adamlary Murgap etrabynyň dolandyryş merkezi bilen ýanaşyk ýerde, etrabyň köp ilatly obalaryna barýan ýoluň ugrundaky durky düýpli täzelenilen 186-njy awtoulaglara ýangyç guýujy bekediň täze binasyny gurup ulanmaga berdiler. Beketde dünýäniň ösen döwletleriniň önüm öndürijileriniň öndüren iň kämil tehnologiýaly ýangyç guýujy enjamlary oturdyldy. Onda optiki-süýümli kabelleriň, wideogözegçilik enjamlarynyň gurnalmagy işleri sanly ulgam arkaly ýerine ýetirmeklige mümkinçilik berer.
Sürüjiler bu ýerde awtoulaglaryna benziniň A-80, A-92, Eko-93, A-95 görnüşlerini we dizel ýangyjyny guýup bilýärler. Bekediň işgärleri müşderiler bilen hasaplaşygy nagt hem nagt däl görnüşde geçirýärler. Bu beket taslama kuwwatlygy boýunça her gije-gündizde ýedi ýüz elli awtoulaga hyzmat etmeklige niýetlenilendir.
Berkarar döwletimiziň täze eýýamynyň Galkynyşy döwründe hormatly Prezidentimiziň taýsyz tagallalary bilen döwletimiziň nebitgaz pudagy täze ösüşlere eýe bolýar. Şu ösüşli, özgerişli zamanamyzda önümçiligi döwrebaplaşdyryp, awtoulaglaryň sürüjilerine hyzmaty ýokary medeniýetli guramak kärhananyň öňünde durýan esasy wezipeleriň biridir. Wekilbazar nebit önümleri kärhananyň garamagyndaky awtoulaglara ýangyç guýujy beketleriň aglabasy köp gatnawly ýollaryň, köçeleriň ugurlarynda sürüjilere barmak üçin oňaýly ýerlerde ýerleşýär.
Bu kärhana gelip gowuşýan ýangyç hem çalgy ýaglary bökdençsiz kabul etmek hem saklamak üçin möhüm gurluşyk, gurnama işleri ýerine ýetirýär. Geçen ýylynda kärhanada göwrümi üç müň ýedi ýüz kub metr bolan çelekler toplumy guruldy. Mundan daşary döwrebap estakada hem gurup ulanmaga berildi. Ol ýangyç daşaýjy awtoulaglaryň birbada on sekizisine ýangyç guýmaga mümkinçilik berýär.
Wekilbazar nebit önümleri kärhanasy «Türkmenawtoban» ýokary tizlikli halkara ýolundan üstaşyr geçýän awtoulaglaryň sürüjilerine hyzmatyň medeniýetli guralmagyna goşant goşmak maksady bilen, bu halkara ýolunyň Mary welaýatynyň çäginden geçýän böleginiň «A» hem-de «B» bloklarynda awtoulaglara ýangyç guýujy kuwwatly beketleriň ikisiniň gurluşyk-gurnama işlerini ýokary depgin bilen alyp barýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
