Hoşallyk maslahaty geçirildi
Türkmenistanyň nebitgaz toplumynyň merkezi edara binasynda «Ajap döwrüň, baky bagtyň eýesi, Arkadag Serdarly bagtyýar ýaşlar» atly hoşallyk maslahaty geçirildi.
Täze — 2023-nji ýylyň şygary bilen bagly geçirilen dabaraly çärä nebitgaz senagatynda zähmet çekýän ýolbaşçylar, jogapkär işgärler, hünärmenler, Ýagşygeldi Kakaýew adyndaky Halkara nebit we gaz uniwersitetiniň mugallymlary we talyplary gatnaşdy. Maslahatda Türkmenistanyň Ministrler Kabinetiniň Başlygynyň orunbasary Şahym Abdrahmanow, «Türkmennebit» döwlet konserniniň başlygy Guwanç Agajanow, «Türkmengaz» döwlet konserniniň Medeni-işewürlik merkeziniň «Galkynyş» aýdym-saz folklor toparynyň I derejeli artisti Owazgeldi Pälwanow, Ýagşygeldi Kakaýew adyndaky Halkara nebit we gaz uniwersitetiniň kafedra müdiri, professor Nurýagdy Suwhanow, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň başlygy Sapar Ataberdiýew we beýlekiler öz çykyşlarynda täze gadam basylan 2023-nji ýylyň «Arkadag Serdarly bagtyýar ýaşlar ýyly» diýlip yglan edilmegi diňe bir ýurdumyzyň ýaşlarynyň däl, eýsem, ähli ildeşlerimiziň, şol sanda nebitgaz toplumynyň agzybir işgärleriniň şatlygyna-şatlyk, buýsanjyna-buýsanç goşan taryhy waka öwrüldi diýip bellediler.
Hemmämiziň bilşimiz ýaly, geçen ýylda “Ýaşlar barada döwlet syýasaty hakynda” Türkmenistanyň Kanunynyň kabul edilmegi ýurdumyzda ýaşlar syýasatynyň hukuk binýadyny has-da pugtalandyrdy. Bu Kanunyň kabul edilmegi nebitgaz toplumynyň işgärleriniň arasynda hem uly seslenme döretdi. Çünki onda zähmet köpçüliginiň aglaba bölegi kalplary hyjuwly, ruhubelent ýaşlardan ybaratdyr.
Ýurdumyzyň nebitgaz toplumynyň agzybir zähmet köpçüliginiň birleşen tagallasy netijesinde, häzirki döwürde halkymyzy nebit we nebit önümleri hem-de gymmatly “mawy ýangyç” bilen üpjün etmekde, şeýle hem türkmen gazynyň, nebitiniň dünýä bazarynda öz mynasyp ornuny eýelemegine möhüm işler durmuşa geçirilýär. Soňky ýyllarda toplumyň ýaşlarynyň işjeň gatnaşmagynda ýurdumyzda nebitgaz pudagyna degişli möhüm ähmiýetli senagat kärhanalarynyň gurulmagy, öň bar bolanlarynyň durkunyň döwrebaplaşdyrylmagy, “gara altynyň”, “mawy ýangyjyň” täze senagat akymlarynyň alynmagy, olaryň gaýtadan işlenmegi bilen dünýä bazaryna çykarylýan energogöterijileriň mukdarynyň artmagy netijesinde döwletimiz dünýäde ykdysady taýdan barha kuwwatlanýan ýurda öwrüldi.
Şeýle mazmundaky çykyşlar hoşallyk maslahatynyň esasyny düzdi. Dabaraly çäräniň barşynda «Türkmengaz» döwlet konserniniň Medeni-işewürlik merkeziniň sungat ussatlarynyň ýerine ýetiren aýdymlary belentden ýaňlandy.
Hoşallyk maslahatynda hormatly Prezidentimiz Serdar Berdimuhamedowa Ýüzlenme kabul edildi.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
