Türkiýäniň Rönesansy Türkmenistanda gazdan benzin öndürmek boýunça taslamanyň ikinji tapgyryna gatnaşmaga gyzyklanma bildirýär
Rönesans Holding türk toparynyň kompaniýalarynyň biri bolan Rönesans Endüstri Tesisleri Türkmenistanda Ahal welaýatynda tebigy gazdan benzin öndürmek boýunça ikinji zawodyň taslamasy boýunça özara düşünişmek hakynda Ähtnama gol çekdi. Bu barada Bloomberg HT habarlar agentligi habar berdi.
Rönesans Holding Merkezi Aziýada taslamany durmuşa geçirmek hakynda deslapky ylalaşygy geçen ýylyň 22-nji dekabrynda Tokioda geçirilen 14-nji Türkmen-ýapon ykdysady maslahatynda maslahatlaşdy. Çäre Ministrler Kabinetiniň Başlygynyň orunbasary, daşary işler ministri Raşid Meredowyň hem-de Itochu Corporation-yň dolandyryjy direktory Hiroýuki Subaýyň ýolbaşçylygynda geçdi. Oňa türkmen hökümetiniň wekilleri, Türkmenistanyň Ýaponiýadaky ilçisi we sebitde taslamalary durmuşa geçirýän türk we ýapon kompaniýalarynyň wekilleir gatnaşdy.
Rönesans bilen bir hatarda ikinji zawodyň taslamasy boýunça özara düşünişmek hakynda Ähtnama «Türkmenhimiýa» döwlet konserni, Kawasaki Heavy Industries we Itochu Cooperation gol çekdi.
Ahal welaýatynda Owadandepede Tebigy gazdan sintetiki benzin öndürmek boýunça birinji zawod «Türkmengaz» döwlet konserniniň Kawasaki Heavy Industries ýapon kompaniýasynyň we Rönesans türk gurluşyk holdinginiň konsorsiumy bilen ABŞ-nyň 1,7 mlrd dollarlyk şertnama gol çekmegi esasynda guruldy. Döwrebap senagat toplumy 2019-njy ýylyň iýunynda ulanyşa girizildi.
1,7 mlrd dollar bahasy bolan zawod her ýylda 1,785 mlrd kub metr tebigy gazy gaýtadan işlemäge we Ýewro-5 standartlaryna laýyk gelýän EKO-93 kysymly benziniň 600 müň tonnasyny we suwuklandyrylan gazyň 100 müň tonnasyny öndürmäge niýetlenendir.
Bu toplum «Tebigy gazdan benzin öndürýän dünýäde ilkinji zawod» hökmünde Ginnesiň rekordlar kitabyna girizildi.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
