Türkmenistanyň we BAE-niň ýokary wezipeli wekilleri Dubaýda Halkara maýa goýum roud-şouwa gatnaşar
Häzirki wagtda 26-27-nji aprelde Türkmenistanyň energetika toplumyna daşary ýurt maýa goýumlaryny çekmek boýunça Halkara roud-şoua taýýarlyk işleri dowam edýär. Forumy guramaçylaryň habar bermegine görä, oňa gatnaşmak meýillerini eýýäm, Türkmenistanyň, şeýle hem BAE-niň Hökümetiniň ýokary wezipeli wekilleri tassykladylar.
Netijede, foruma gatnaşyjy ýokary wezipeli wekilleriň arasynda türkmen tarapyndan: Döwlet ministri — «Türkmengaz» döwlet konserniniň başlygy Batyr Amanow; «Türkmennebit» döwlet konserniniň başlygy Guwanç Agajanow, «Türkmenhimiýa» DK-nyň başlygy Nyýazly Nyýazlyýew, Türkmenistanyň Döwlet daşary ykdysady iş bankynyň başlygy Rahymberdi Jepbarow, «Türkmengaz» DK-nyň başlygynyň orunbasary Myrat Arçaýew, TAPI Pipeline Company Ltd. kompaniýasynyň müdirýetiniň başlygy Muhammetmyrat Amanow bar.
Öz gezeginde, BAE-niň Hökümetinden: Elektroenergetika we suw üpjünçiligi boýunça Dubaý müdiriýetiniň baş direktory Said Mohammed Al Taýer, Dubaýyň ýerine ýetiriji geňeşiniň başlygynyň orunbasary Ahmed ben Said Al Maktum bar.
Dubaýdaky roud-şouwyň strategik hyzmatdaşlarynyň hataryna: ENOC topary (Dragon Oil-yň baş direktory Ali Raşid Al Jarwan wekilçilik eder), ADNOC (kompaniýanyň strategiýa we biznes boýunça wise-prezidenti) girýär.
Kadyrberdi Artykow — GDA-nyň iň gowy talyby
Türkmen döwlet binagärlik-gurluşyk institutynyň talyby Kadyrberdi Artykow Gazagystan Respublikasynyň Astana şäherinde geçirilen “GDA-nyň iň gowy talyby” atly halkara bäsleşigine internet arkaly gatnaşyp, I derejeli Diploma, döşe dakylýan nyşana we kuboga mynasyp boldy.
ABŞ Türkmenistanyň gaz eksportynyň diwersifikasiýasyny goldaýar – Döwlet sekretarynyň orunbasary
Amerikanyň Birleşen Ştatlary türkmen tebigy gazyny daşamak ugurlarynyň diwersifikasiýasyny goldaýar. Bu barada ABŞ-nyň Döwlet sekretarynyň jemgyýetçilik diplomatiýasy boýunça orunbasary Sara Rojers Aşgabatda žurnalistler üçin guralan brifingde mälim etdi, diýip «Turkmenportal» habar berýär.
Annagül Gurdowa 75 ýaşyny we döredijilik işiniň 70 ýyllygyny belleýär
Şu gün Türkmenistanyň halk artisti Annagül Gurdowa doglan gününiň 75 ýyllygyny we sahna işiniň 70 ýyllygyny belleýär.
Hökümet mejlisinde ýangyç-energetika toplumynyň 2026-njy ýylyň bäş aýynyň işiniň netijeleri jemlenildi
5-nji iýunda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň bäş aýynda ýurdumyzda alnyp barlan işleriň jemleri jemlenildi. Bu barada TDH habar berýär.
Türkmenistanyň nebitgaz toplumynda bäş aýyň jemlerine garaldy
6-njy iýunda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen bäş aýynda ýerine ýetirilen işleriň jemine bagyşlanan hasabat ýygnagy geçirildi.
