Nebitgaz kompaniýasynyň we pudaklaýyn ýokary okuw mekdepleriniň wekilleriniň duşuşygy geçirildi
Hyzmatdaşlygy mundan beýläk-de ösdürmegiň meselelerini ara alyp maslahatlaşmak maksady bilen, Ý.Kakaýew adyndaky Halkara nebit we gaz uniwersitetinde Türkmenistanyň nebitgaz pudagynyň wekilleriniň bu ugurdan ýöriteleşen halkara kompaniýalary we ýokary okuw mekdepleri bilen iş duşuşygy geçirildi.
Duşuşyga «Türkmennebit» we «Türkmengaz» DK-niň wekilleri, Türkmenistandaky Milli hytaý nebit-gaz kompaniýasynyň şahamçasynyň işgärleri, Petronas Çarigali Sdn Bhd (Türkmenistan) kompaniýasynyň, Dragon Oil Turkmenistan Ltd.kompaniýasynyň wekilleri gatnaşdylar.
Şekilli aragatnaşyk arkaly ara alyp maslahatlaşma Leobeniň (Awstriýa) dag-magdan uniwersitetiniň, Turiniň politehniki uniwersitetiniň, Koreýanyň Inha Uniwersitetiniň, Swikau şäheriniň Amaly ylymlarboýunça Günbatar-Sakson uniwersitetiniň (Germaniýa Federatiw Respublikasy), Ploýeştiniň nebit-gaz uniwersitetiniň (Rumyniýa), Daşkendiň Islam Karimow adyndaky Döwlet tehniki uniwersitetiniň, Russiýanyň I. M. Gubkin adyndaky Döwlet nebit we gaz uniwersitetiniň, Belarusyň Döwlet tehnologiki uniwersitetiniň rektorlary, şeýle hem Ýewfrosiniýa Poloskaýa adyndaky Poloskiý döwlet uniwersitetiniň rektory goşuldylar.
Duşuşyga gatnaşyjylar nebitgaz ugrundan ýokary okuw mekdepleriniň bu ugurdaky kompaniýalar bilen hyzmatdaşlyk etmeginiň uly ähmiýete eýedigini bellediler, bu talyplara hakyky gurşawda amaly başarnyklary we tejribe edinmäge mümkinçilik berýär, şeýle hem bu pudakdaky iň täze tehnologiýalar we innowasiýalar barada bilmäge mümkinçilik döredýär. Kompaniýalar bolsa täze zehinleri we geljekki hünärmenleri özleriniň iş tejribelerinde ulanyp bilýärler.
Taraplar ozal gol çekilen ylalaşyklaryň çäklerinde ýetilen ösüşe garap geçdiler, şeýle hem hyzmatdaşlygy ösdürmek boýunça mundan beýläkki ädimleri bellediler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
