Mitro International Türkmenistanyň Dubaýdaky maýa goýum forumynyň altyn gatnaşyjysy boldy
Mitro International Limited kompaniýasy Türkmenistanyň energetika pudagyna daşary ýurt maýa goýumlaryny çekmek boýunça 2023-nji ýylyň 26-27-nji aprelinde Dubaýda geçjek Halkara forumyň altyn gatnaşyjysy boldy.
2000-nji ýylda esaslandyrylan Mitro International Limited Türkmenistanyň ýangyç-energetika pudagyndaky nebit işlerine, hususan-da, gözleg, agtaryş we nebit-gaz ýataklaryny özleşdirmeklige maýa goýmaklygy maksat edinýär.
2000-nji ýylyň iýun aýynda Gündogar Çeleken nebit ýatagynda «Hazar» şertnamalaýyn çägini özleşdirmekde önümi paýlaşmak barada Şertnama gol çekildi. Bir ýyl soňra Mitro International Limitedkompaniýasy Şertnamanyň doly hukukly agzasy boldy we şol wagtdan bäri Gündogar Çeleken nebit ýatagyny özleşdirmek we işlemek boýunça işlerini üstünlikli alyp barýar.
Mitro International Limited kompaniýasy nebit ýataklarynyň we guýularyň ylmy-barlagynyň döwrebap usullaryna aýratyn üns berýär. Gündogar Çeleken nebit ýatagyndaky taslamany ýerine ýetirmekde 70-den gowrak guýy guruldy. Gazyp çykarmagy has artdyrmak üçin, nebit ýatagynda ulanyşyň mehanizirlenen usuly elektrik hereketlendirijileriň merkezden gaçyryş sorujylaryň we sorujy çybyk nasoslaryň oturdylmagy arkaly alnyp barylýar.
Kompaniýanyň işjeňligi bilen baglanyşykly käbir faktlar:
– Gündogar Çeleken nebit ýatagyny özleşdirmek we işlemek boýunça taslamanyň ýerine ýetirilip başlanan wagtyndan bäri 760 mln ABŞ-nyň dollaryndan gowrak maýa goýuldy.
– Çig nebitiň gazylyp alnyş möçberi 5 900 000 tonnadan gowrakdyr. Döwletiň paýy 2 845 303 tonnadan gowrak boldy.
– Aşaky gyzyl reňkiň plastlaryndan gazylyp alynmany artdyrmak üçin plasty gidrawlik bölmegi we yzysüre nebiti gazyp almagy geçirmeklik meýilleşdirilýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
