Türkmenistanyň nebitgaz ýokary okuw mekdebinde informatika boýunça birinji halkara olimpiada geçirildi
Ýagşygeldi Kakaýew adyndaky Halkara nebit we gaz uniwersitetinde türkmen we daşary ýurtlaryň ýokary okuw mekdepleriniň talyplarynyň arasynda informatika dersi boýunça I halkara açyk internet olimpiadasy geçirildi.
Olimpiada ondan gowrak döwletden 50-den gowrak ýokary okuw mekdebinden 500 töweregi wekil gatnaşdy. Olaryň arasynda Russiýa Federasiýasy, Belarus, Hytaý, Azerbaýjan, Koreýa Respublikasy, Malaýziýa, Gazagystan, Özbegistan, Täjigistan, Ermenistan, Rumyniýa, Germaniýa we Türkmenistan bar diýip, ORIENT habar berýär.
Halkara olimpiadanyň esasy maksady ýewraziýa sebitiniň gyzyklanma bildirýän ýaşlaryny, aýratyn hem, Ýagşygeldi Kakaýew adyndaky Halkara nebit we gaz uniwersitetiniň hyzmatdaş ýokary okuw mekdepleriniň talyplaryny birleşdirmek bolup durýar. Ýakynda has ukyply ýaşlaryň toparyny ýüze çykarmaga ýardam etjek beýleki dersler boýunça hem şular ýaly ýaly halkara olimpiadalary geçirmek meýilleşdirilýär.
Türkmenistandan bu olimpiada 23 ýokary okuw mekdebinden 170 talyp wekilçilik etdi. daşary ýurtly gatnaşyjylaryň jemi sany 250 adam töweregi boldy.
Olimpiada gatnaşan ýokary okuw mekdepleriniň hatarynda Petronas tehnologiýa uniwersiteti (Malaýziýa), Ploýeşti nebitgaz uniwersiteti (Rumyniýa), Pekiniň Hytaý nebit uniwersiteti (HHR) ýaly dünýäniň iri ýokary okuw mekdepleri girdi.
Olimpiada Ýagşygeldi Kakaýew adyndaky Halkara nebit we gaz uniwersitetiniň IT hünärmenleri we mugallymlary tarapyndan işlenip düzülen Moodle platformasynda geçirildi. Bu platforma gatnaşyjylary hasaba aldy, olar üçin ulgama girmäge login we parol döredip berdi, meseleleri ýükledi. Meseleler bölümler boýunça berildi: ulgamlaýyn programmalaşdyrmak, obýektiw-orintirlenen programmalaşdyrma, ikileýin kodlaşdyrma we maglumaty ölçemek, kompýuter grafikasy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
